寶寶雞煲 (Moved) New Location

隨住年紀愈大，約會食飯的地點由最緊要平的劣食放題，都開始講究食物質素同味道。大家對約食飯的要求係唔駛地方好靚，但最少要好食。因為做野已經夠辛苦。呢間除左食雞煲外，叫火鍋料打邊爐一樣高質。本地手切肥牛牛味十足，值得一叫再叫，非一般急凍貨。手打四寶丸更係必叫之選，真材實料，蝦丸勁大粒蝦打落去，每粒都兵兵球咁大粒，足料又好食。所以都忍唔住再跟機要左個蝦滑，啖啖蝦又有彈性。雲吞又係足料手包心機之作，每一啖都食到有誠意。不得不提，最值得欣賞係自家製洛神花茶，少少甜得黎又清熱氣。絕對係良心心機小店。每人埋單都係2百左右，唔貴得黎又盡興而歸。