寶寶雞煲 (Moved) New Location

寶寶雞煲-高質靚料香港人愛打邊爐眾所皆知，火鍋店開到成巷成市，不論季節天氣總係門庭若市，要數近期最愛打邊爐熱點一定非「寶寶雞煲」莫屬。🐻寶寶奇味雞煲（干煲）半隻走地新鮮雞 $168湯底種類都幾多，而雞隻方面更分冰鮮雞同走地新鮮雞供客人選擇，一向都鍾意食干煲嘅我就揀咗寶寶奇味雞煲半隻新鮮走地雞微辣，新鮮雞配上大量洋蔥、青椒、芫荽，令雞煲更香氣四溢，新鮮走地雞肉質較有質感，每件雞都好惹味。🐻手切新鮮牛肉（半碟）$108十級推薦俾鍾意食牛既朋友，牛肉勁新鮮，亦好重牛肉味，輕輕一滾就可以食，入口即溶。🐻黑毛豬（豬面青）$65豬頸肉厚切粗條，廚房事先加入調味料醃製過，入口爽滑彈牙唔嚡口。🐻手打墨魚滑 $78充滿鮮味濃郁既墨魚味，口感彈牙，食得出用料新鮮。🐻汕頭牛筋丸（一份）$20牛筋丸𥚃面有一d嫩筋，口感有嚼勁，爽脆彈牙之餘亦不失牛味，好後悔淨係叫咗一份。🐻冰豆腐（一份）$12打邊爐臨近尾聲緊係要order一份冰豆腐，吸晒煲裡面既精華，大啖一咬即時爆汁。🐻大龍鳳可樂 $36檸檬片加上鹹檸檬，酸酸鹹鹹，打完邊爐飲返杯，即時消膩減滯。