榕記車仔麵 (Closed)

有朋友推薦，就試下啦！周末下午茶有人流，不過唔洗等位。佢有兩款較特別既湯底，老公就試豬肚湯，加左蘿蔔牛丸豬紅。佢本身仲會有啲豬肚絲。不過我唔飲胡椒豬肚湯既，所以無得試。我要左佢既金蟲草野菌養生湯，加左豬紅肥牛。最開心係可以菜底，下午茶食麵太多了。湯好濃，不過無味精味。飲落足料，可以見到有蟲草花，紅蘿蔔等等，我成碗好少可地飲哂。肥牛略嫌太少同煮得老左啲。豬紅ok。菜底無四爺車仔麵咁大碗，不過做我既下午茶就足夠了。