餃掂手工餃子雲吞專門店

自己太耐冇去銅鑼灣，近日發現總統戲院旁開咗間新餃子店，「飲掂」二字充滿霸氣，一入門口見到牌匾寫住「天下第一餃」，令我更好奇葫蘆里賣什麼藥。一見到餐牌真係不得了，除咗最普通嘅款式例如豬肉餃之外，竟然有松露味既水餃或煎餃。甚至芝心餃。另外亦有四川小食。四川涼麵麵條彈牙，花椒油係箇中精粹，加埋花生，蔥等配料，麻辣香味令人食慾大增。竹昇米線就剛剛相反，味道徧淡，但米缐幾爽口。手拍青瓜兩個字形容：爽口。主角當然係龍鳳松茸雙煎餃，入面有白松露同黑松露味。餃子外皮煎得香脆，唔會一夾就爛。餡料超多，整體感覺唔膩。黑松露餃既松露香更突出，白松露就比較內斂。另外大白菜豬肉餃超抵，$50左右有十隻。湯比較淡，味道同水餃唔太夾。不過，呈粉紅色嘅大白菜豬肉餃真係無可挑剔，皮薄餡靚，豬肉餡相當鮮嫩。餃掂果然唔係浪得虛名，天下第一餃舍「餃掂」其誰。