ROJO

Open Now

Now Closed

相約附近工作的朋友一齊食個團年飯, 我隨機揀左呢一間。電話預約仲有9折同免費甜品(⁎⁍̴̛ᴗ⁍̴̛⁎)去到餐廳, 見到個經理好熟口熟面, 細問之下原來以前觀塘返工去食過的餐廳的經理,因為果一間印象好好, 所以因為呢一個開始, 即刻覺得一切都好似更順眼。午市套餐價錢$108-$178, 坦白的說, 一舊水一個午餐對普通打工仔算貴,但同朋友間中食下就都還好~我地叫左兩個一齊食,感覺豐富一些點完餐就上餐湯及tapas, 是好creamy的南瓜湯, 我個人好岩飲, 朋友就喜歡不要咁蓉的。小食是吞拿魚多士, 多士好脆口, 好食。主食分別是烤加拿大豬鞍,扒菠蘿,漢堡包, 伴有少量沙律菜, 豬鞍係薄薄兩塊, 好食, 只係我以為會係厚切(՞• •՞)另外叫左溫泉蛋,肉醬闊條麵, 麵條充滿肉醬, 正~最後我地差唔多食完, 店員先上餐飲及甜品, 好驚喜, 碟上晝有玫瑰花, 好令人心花怒放, 開心呀~其實今日叫的食物不是很驚艷,但如果百零蚊 (睇你叫咩, 我地都係一人110左右) 有呢個質素及服務, 成個用餐體驗都令人好開心, 絕對是物超所值, 希望多D人發現這一家同試下。