泰亞萊泰式美食

Open Now

Now Closed

果日同家姐係紅磡附近，講起佢以前做工廠區果陣時，呢間餐廳成日排長龍，係好出名嘅泰國野。事隔差不多都成10年，就等佢再嚟食過番尋味，睇下可唔可以食返當年嘅味道啦。我哋喺下午茶時間黎，主要都係食番午市套餐。今日家姐就嗌左最出名既海南雞飯同椰汁冰。海南雞飯的油飯都OK，不會太咸或者太油。雞有驚喜，夠滑嫩，有香味，而且數落都有5-6舊，層脂肪分佈望到都覺得幾吸引。椰汁冰同奶茶都有正常水準，OK. 另一個嗌左豬扒撈檬。撈檬配料好多，食落香口。豬扒已經斬件會容易D食，不過難免少少嚡口。另外我地仲叫左個$128(大)小食拼盤，一黎就嘩出聲：好多野食啊！咁多樣最鐘意係蝦餅、炸雞翼同串燒，香脆可口。雞翼D南乳香味出晒黎，正。其餘的春卷同炸丸都OK的，只係冇咁特別啫。附送沙爹醬，偏甜，冇咩花生香味。整體如果多人Share食的話都幾抵。