泰亞萊泰式美食

Open Now

Now Closed

朋友有次食完呢間餐廳後念念不忘，喺佢力推之下就決定去試吓佢講嘅炒河有幾好食🫡【泰式雞乾炒河】$53一炒出嚟已經見到勁有鑊氣，好少見到餐廳有呢款河粉（薄身一大片）！超級好食又勁有咬口，炒河完全唔辣，覺得可以加少少辣椒調味～ 雞肉嘅份量都好多！炒河絕對可以encore!【香草辣椒肉碎煎蛋飯】$56之前喺其他餐廳食過驚為天人嘅肉碎蛋飯，就覺得餐廳炒得太乾身，味道偏辣但夠味亦好惹味！另一個可惜位係煎蛋唔夠燶邊🤫【椰汁冰】+$4跟餐加$4嘅椰汁冰真係好抵飲，不過小編就略嫌椰汁冰偏淡⋯⋯

本身諗住去紅磡巷仔裏面食日本嘢，但係去到行仔路口嘅時候見到一間好特別裝修有新嘅泰國菜館，於是就入去打大佬…今次叫咗串燒豬牛雞，明爐燒烏頭，芒果糯米飯，蠔仔蛋，海南雞，春卷，青口，同埋一個不知名嘅炒菜。可能係平日嘅關係夜晚唔太多人幫襯，我哋可以直入坐卡位，串燒燒得特別好味，尤其是個沙嗲汁非常之好食，烏頭魚比我想像中大條，熊仔蛋就冇乜驚喜，反而海南雞個樣冇乜特別，但係食落去啲雞肉非常之彈牙，春卷就炸得窿少少，如果青口食落去好大浸雪藏味，整體上價錢唔貴嘅佢，對得住啲食物嘅質素，下次可以再嚟食

最近去左新既地方返工又係時候為大家試伏今次黎到紅磡首先試一試泰國嘢🇹🇭泰亞萊沙爹乾炒豬頸肉河🌟🌟🌟河粉係好有鑊氣既，沙爹既味道都好濃厚，豬頸肉既份量都好足夠，但係油真係多左啲😅，食到一半已經覺得好膩。鹵水豬手飯（冇試味，純感覺）只到同事個豬手飯都幾吸引，飯、豬手同埋醬汁既份量都好足夠，但係豬手既油脂分布不得了，肥同瘦既比例係7:3 ，我見個同事食野啲飯仲有好多豬手，但係認真睇下原來係肥肉🐷🐷🤣回頭率：60會再試下其他種類既lunch

自從新年後裝修完，入面好靚同埋位置都坐得舒服左😀😀平時好鍾意食辣肉碎炒河，佢ge 河粉係一片片好薄果種，所以真係好好味👍🏻👍🏻😋出面暫時好少遇到～同埋呢間都性價比高的泰菜。。真心推介‼️👍🏻👍🏻.泰式炒金邊粉這個菜也是在泰國餐廳中比較熟悉及受歡迎之一，味道帶有少少酸酸甜甜味～.泰式菠蘿炒飯好足料👍🏻👍🏻😀.冬蔭公湯粉個人不太喜歡食冬陰功的食物，於是這個沒有試～.今次轉叫泰式乾炒河。。無辣肉碎炒河咁辣，怕辣的可以叫呢個～都好正😋😋好鍾意叫佢的炒河粉😍👍🏻.

今次過黎裝修左，仲以為行錯咖喱好好食，但係冇嗌飯，覺得好曬，剩低好多汁。（如果有嗌飯，我估剩返個碟）哈哈哈哈沙律鳳爪都好正，（夠酸夠辣）！每個都冇令我失望！下次仲黎

成日經過呢間泰國嘢，想試左好耐，咁啱見佢哋有得送外賣，於是叫左個海南雞飯試下。首先值得一讚既係服務態度好好👍🏻無論係聽電話既哥哥定送外賣既姐姐，好有禮貌，好有人情味。海南雞飯大大碗好有驚喜，午市$49+外賣盒$1，呢個價錢估唔到會咁大盒😳雞都有成差唔多9-10塊，仲有雞髀肉同雞翼添呀💕雞既底部仲有啲椰菜，菜好新鮮，已經一啲都唔油，好健康嘅配搭🤤平時配油飯而我因為要減肥轉左白飯🙈飯既份量都好多，超級抵食！泰式汁酸酸辣辣好惹味，絕對會再支持👍🏻👍🏻👍🏻下次試下佢地既香葉肉碎煎蛋飯😚

早兩日行過食lunch,食左過馬拉盞肥牛通菜飯，再加杯椰汁冰。入到去坐低，好快有阿姐過黎，服務算係咁，一般茶餐廳之後就叫野食，等左10分鐘到，聽到個廚房火喉都幾勁，好似大排檔咁，到碟野黎，賣相都算ok,出晒煙咁，食落都算ok既，係有少少比較咸，不過最唔掂係太多油.....,食到最尾成隻碟都見到係油，如果少d油會更好，個椰汁冰就冇咩特別，可以唔洗試。賣單就49+3=52，整體黎講算唔錯，咁既價錢可以一試。

紅磡值得一食嘅 果日去紅磡買嘢 記得聽朋友講過紅磡有一間海南雞好出名 買完嘢就打開地圖搵餐廳位置 非常好搵 行到門口最當眼就係門口兩個泰國公仔 當時正當飯市 門口排隊等入座 等咗差唔多15分鐘就可以入座啦 即刻點咗幾款 因為飯市多人 首先上黎嘅係海南雞 雞味濃郁 夠嗮滑 油飯夠香而且不太油 快靚正 驚喜 肉碎豆角煎蛋飯完全冇得輸 蛋係流心蛋大拼盤份量多 而且有串燒 種類多 非常抵食 冬陰功湯酸辣味配合得好好 好開胃 炒河夠鍋氣 香口而且不油 會翻黎再食

果日同家姐係紅磡附近，講起佢以前做工廠區果陣時，呢間餐廳成日排長龍，係好出名嘅泰國野。事隔差不多都成10年，就等佢再嚟食過番尋味，睇下可唔可以食返當年嘅味道啦。我哋喺下午茶時間黎，主要都係食番午市套餐。今日家姐就嗌左最出名既海南雞飯同椰汁冰。海南雞飯的油飯都OK，不會太咸或者太油。雞有驚喜，夠滑嫩，有香味，而且數落都有5-6舊，層脂肪分佈望到都覺得幾吸引。椰汁冰同奶茶都有正常水準，OK. 另一個嗌左豬扒撈檬。撈檬配料好多，食落香口。豬扒已經斬件會容易D食，不過難免少少嚡口。另外我地仲叫左個$128(大)小食拼盤，一黎就嘩出聲：好多野食啊！咁多樣最鐘意係蝦餅、炸雞翼同串燒，香脆可口。雞翼D南乳香味出晒黎，正。其餘的春卷同炸丸都OK的，只係冇咁特別啫。附送沙爹醬，偏甜，冇咩花生香味。整體如果多人Share食的話都幾抵。

泰亞萊，紅磡好耐無食過以前在紅磡返工，必食中午飯或叫外賣是日做完Food Panda收工咁凍天氣，我唔要餐飲，要中湯咁多年第一次飲中湯，原來足料，好好味湯有海南雞雞殼煲，正!

晚餐外賣海南雞， $88半隻，都算係抵食。海南雞雞皮夠滑，熟到啱啱好，雞肉唔會柴，夠滑，亦都唔會生到見到紅色。最怕見到紅卜卜嘅海南雞，所以夠滑又唔會生已經非常之滿意。淨係買咗雞，所以冇試到雞油飯。

泰式豬頸肉海南雞飯，泰婆無晒，完全被陸婆佔領！職員轉晒，連雞都轉埋！雞肉淡實鞋硬乾，泰汁強酸無辣。韌韌油膩豬頸肉散發臘腸味，油飯爛爛濕濕一舊舊，頂硬上吞半碟放棄！泰式海南雞飯，胸鞋腍，髀結實，淡雞味免強接受，西貢泰友會更肥美嫩滑香甜。油飯濕爛，泰汁勁酸不辣，還散發著南乳味。由舊舖到新舖，轉眼十幾年海南雞保持美味絕頂！近年由泰味變陸味極度失望，高質老字號一間又一間被消失被收歸國有，香港人搵好野食真艱難！

咸魚雞粒炒飯今日下午去咗食亞泰來，有幾個月無來食了，仲係保持水準！叫咗個咸魚雞粒炒飯！同以前一樣炒得咁好，夠咸夠乾身，合我口味，價錢也合理，五十鬆啲連野飲！以後要多啲來呢度食！

今天不想煮飯，所以晚餐就跟室友在家樓下找吃，試試這家泰國餐廳泰亞萊，看到餐牌的食物款式都幾多的，自己都選擇了幾款，糾結應該吃什麼好，本來想吃咖哩類有汁的東西再配飯，但最後選了沙嗲豬頸肉飯。就賣相來看都似是頹飯，但不緊要，因為見汁的濃稠度，都幾不錯的。但之後發現錯了，因為飯是涼的，汁是溫的，味道上都偏港式頹飯，但沙嗲都偏甜，又有點鹹，不能沾太多汁吃，不過以整碟食物都不熱的狀態上上枱，基本上都扣了很多分，好明顯應該是準備了很久，有人點才上碟。豬頸肉很細塊，有點韌，不算好吃。加上都是溫的，又被沙嗲汁蓋著，所以都只是吃到沙嗲味。後來，室友點了的這個泰式辣肉碎炒飯上枱，雖然賣相都是很一般，但出奇地好吃，絕對是新鮮即炒出來，熱騰騰的，又夠香夠辣！跟我這個差太遠了。實在太可惜，我竟然點錯了！雖然短期內都應該不會再來，但都讓我知這店都有其他款是好吃的，總之就不要點頹飯餐！

呢間真係抵食平價泰國餐廳，$4x蚊一大碟泰式炒飯，完全係泰國風味，好香口，粒粒飯都有味，加埋辣椒粉就一流！不過碟炒飯肉碎太少，好似冇肉食咁，但個飯真係食唔停！下次試泰式下咖哩先得！