Cafe Whale

Open Now

Now Closed

下午茶時間喺太安樓一帶想搵間坐得舒服嘅餐廳真係唔客易，不過呢間新開無幾耐嘅餐廳就做得到。佢喺太安樓第三街，即係最入嗰度，靜靜地。Tea Time佢都有Mini Burger的選擇，不過因為唔想食咁多，所以最後決定叫一個沙律同埋一款小食。其實軟殼蟹同日本雞胸都好似幾吸引，不過最後都敵唔過封門柳，所以就叫咗封門柳沙律試吓。佢個封門柳嘅牛肉味都幾濃，有D咬口但係又唔算un，佢嘅沙律仲有柚子醋汁或者芝麻汁比你揀，我地揀了柚子醋，同D封門柳幾夾，另外佢D沙律菜都好新鮮，CP值都幾高。小食又係有好多款可以揀，我地就比寫住魚市場直送嘅炸魚柳吸引住，叫咗黎試一試。一份炸魚柳有6件，size唔算大，一啖一粒，點埋佢嘅Tartar Sauce就最正。食落去嘅感覺都真係同平時食到嘅好唔同，平時嗰D基本上點都有少少雪味，佢呢間嘅就真係無，而且仲食得出有輕微魚嘅鮮味。兩樣野食麵唔錯，下次要試埋佢D Burger先得。