Video
Read full review
2024-06-09
116 views
📍將軍澳 Table話說今日係久違嘅年假第二日，所以就去咗將軍澳，諗住行吓UNIQLO買最新嘅宮崎駿系列。行到咁上下就覺得有啲肚餓，於是就喺將軍澳中心度睇吓有冇咩下午茶好食。見到有一間喺地下中庭位置嘅餐廳，門口排咗長龍，於是就行去睇吓個Menu，佢嘅下午茶選擇好多，有意粉、雞、魚柳等等好多種選擇，而且仲可以嗌套餐自由加配佢唔同嘅小食，於是我哋就等咗一陣，食返個下午茶。٩(˃̶͈̀௰˂̶͈́)و墨西哥辣牛肉芝士牛油果醬卷估唔到下午茶都有得食taco，佢呢個taco入邊包咗好多餡料，仲要有埋沙律同埋墨西哥脆片，簡直滿足晒所有口味嘅人。炸魚薯條炸魚薯條，呢啲咁經典嘅菜式就當然要嗌一嗌，佢嘅薯條啱啱好咋，熱辣辣好脆，而佢嘅炸魚個皮都唔會好厚，食落口感啱啱好。是日餐湯加蒜香酸種包除咗套餐之外，仲可以加配佢哋嘅小食或者湯品，今日個餐湯係蕃茄忌廉湯，好入味之餘，而且口感好濃郁，加上酸種包，簡直超滿足。杏仁榛子蛋糕開心果堅果蛋糕食完正餐，當然要食返個甜品，佢哋嘅蛋糕口味都非常有特色，同埋面頭都有好多唔同嘅堅果，口感十足。楓糖堅果燕麥杯燕麥奶玄米抹茶特濃朱古力
話說今日係久違嘅年假第二日，所以就去咗將軍澳，諗住行吓UNIQLO買最新嘅宮崎駿系列。行到咁上下就覺得有啲肚餓，於是就喺將軍澳中心度睇吓有冇咩下午茶好食。見到有一間喺地下中庭位置嘅餐廳，門口排咗長龍，於是就行去睇吓個Menu，佢嘅下午茶選擇好多，有意粉、雞、魚柳等等好多種選擇，而且仲可以嗌套餐自由加配佢唔同嘅小食，於是我哋就等咗一陣，食返個下午茶。
٩(˃̶͈̀௰˂̶͈́)و
墨西哥辣牛肉芝士牛油果醬卷
估唔到下午茶都有得食taco，佢呢個taco入邊包咗好多餡料，仲要有埋沙律同埋墨西哥脆片，簡直滿足晒所有口味嘅人。
炸魚薯條
炸魚薯條，呢啲咁經典嘅菜式就當然要嗌一嗌，佢嘅薯條啱啱好咋，熱辣辣好脆，而佢嘅炸魚個皮都唔會好厚，食落口感啱啱好。
是日餐湯加蒜香酸種包
除咗套餐之外，仲可以加配佢哋嘅小食或者湯品，今日個餐湯係蕃茄忌廉湯，好入味之餘，而且口感好濃郁，加上酸種包，簡直超滿足。
杏仁榛子蛋糕
開心果堅果蛋糕
食完正餐，當然要食返個甜品，佢哋嘅蛋糕口味都非常有特色，同埋面頭都有好多唔同嘅堅果，口感十足。
楓糖堅果燕麥杯
燕麥奶玄米抹茶
特濃朱古力
Post
