黃珍珍泰國菜館 (Closed)

上周一舊愛大壽,老銅泰菜吹邋燭.要食得招積,坐得舒服,食得出色,埋單超值.結果,都係去黃珍珍.九龍城店去過好幾次,老銅分店,第一次.每一次去黃珍珍,例必列印一疊coupon,睇下到時想食邊樣.十次,有七次,囉折頭.其餘三次,囉條蒸魚.今夜六個人,都係要條蒸魚吧.吃夠$300才有得送.其實好多小店,水準比黃珍珍出色得多.始終此類大店.有少少連鎖味,靈活性無小店般大.只係環境比較好,水準有保証.活蝦刺身,此味由金寶發揚光大,非泰國出品的泰式前菜.而家好多地方能吃到.老實講,度度差唔多.只係每一次吃泰菜,例牌叫的一味.泰式拼盤,有春卷,蝦餅,魚餅,荷葉雞等.同前者一樣,度度差唔多.青木瓜沙律,少辣,無蟹仔.同隆姐又差兩班了.燒羊扒香料味重,吃不出羊味.肉質,也算juicy的.炭燒魷魚,頗硬.冬蔭功很對味,用大蝦煲出來.蝦膏同Tom Yum二合為一,已經濃情化不開的甜了.咖喱牛腩,都係少辣,很香.牛腩亦稔熟.法包一下子,比班淑女們搶清光.明爐蒸烏頭,比起桂化魚,何止略遜一籌?肉質無桂花般嫩滑.魚味亦欠.肉又唔肥.算罷.服務來講也算可以,起碼都會幫我地雪舊Haagen Dazs雪糕蛋糕,唔收切餅