Video
Read full review
2023-09-27
9 views
告別連日大風雨後近來天氣好好，前晚傍晚時分去左將南海傍散步. 肚仔餓入左間幾多人食緊野嘅韓國fusion餐廳. 餐廳裝修幾休閑好relax 牆上壁畫幾治慮. menu見到啲食物飲品選擇都幾特別而且好精美，特別一提店員服務都好好而且好有禮貌，加分！掙扎一番後叫左兩個飲品一個小食一個主食一個甜品，埋單五百幾，絕對值回票價. #藍蝶花冰極熊柑桔梳打賣相吸晴，啱晒女士打卡. 冰極熊由蝶豆花製成紫藍色好靚，下半部分係柑桔梳打，上下兩個顏色形成鮮明對比好有心思. 個冰熊一路飲一路溶，所以個味道唔會愈飲愈淡反而隨著蝶豆花同柑桔梳打混合而變得更有層次.#藍甘薑汁西柚梳打友人話薑味好出好味道. #芝士泡菜焗生蠔幾特別，估唔到熱溶溶拉絲芝士焗生蠔配泡菜又幾夾喎. 好開胃. 生蠔好大隻幾爽真材實料啖啖肉. #串燒拼盤上碟勁驚喜，好大份，估唔到實物大過圖片. 個燒汁甜甜地好惹味，荔枝京蔥豬腩卷個荔枝爆汁京蔥好爽口，豬腩肉牛柳串烤雞串等肉味濃郁種類豐富，年糕腸仔串個年糕好煙韌個腸仔好𡁻口. 伴碟炸甜薯香脆好味沙律菜清新. 難怪見到好多枱都有叫，真係大件夾抵食. #宇治抹茶奶蓋瀑布奶油蛋糕非常特別嘅甜品，一定要叫
掙扎一番後叫左兩個飲品一個小食一個主食一個甜品，埋單五百幾，絕對值回票價.
#藍蝶花冰極熊柑桔梳打
賣相吸晴，啱晒女士打卡. 冰極熊由蝶豆花製成紫藍色好靚，下半部分係柑桔梳打，上下兩個顏色形成鮮明對比好有心思. 個冰熊一路飲一路溶，所以個味道唔會愈飲愈淡反而隨著蝶豆花同柑桔梳打混合而變得更有層次.
#藍甘薑汁西柚梳打
友人話薑味好出好味道.
#芝士泡菜焗生蠔
幾特別，估唔到熱溶溶拉絲芝士焗生蠔配泡菜又幾夾喎. 好開胃. 生蠔好大隻幾爽真材實料啖啖肉.
#串燒拼盤
上碟勁驚喜，好大份，估唔到實物大過圖片. 個燒汁甜甜地好惹味，荔枝京蔥豬腩卷個荔枝爆汁京蔥好爽口，豬腩肉牛柳串烤雞串等肉味濃郁種類豐富，年糕腸仔串個年糕好煙韌個腸仔好𡁻口. 伴碟炸甜薯香脆好味沙律菜清新. 難怪見到好多枱都有叫，真係大件夾抵食.
#宇治抹茶奶蓋瀑布奶油蛋糕
非常特別嘅甜品，一定要叫！ 上枱時圍住個膠片要自己解開， 好緊張，哇，一解開抹茶漿散開真係好似瀑布咁完美覆蓋曬成個蛋糕. 蛋糕質地好棉好鬆軟，空氣感爆燈，蛋香味十足. 而且值得一讚係有幾款花乾包括薰衣草，口感層次複雜. 下次要試埋另外一款士多啤梨味先！
食緊嗰陣人太多唔方便影相，散水嗰陣門口影張相打個卡. 睇下！都幾舒服休閑㗎！
0 views
0 likes
0 comments
0 views
0 likes
0 comments
0 views
0 likes
0 comments
0 views
0 likes
0 comments
Post
