春田日本料理 (Closed)

路過見春田有特價下午茶食，$2X 就有一碟飯加飲品，在日本料理店實屬少見.. 放是便入去坐坐。叫左兩個餐，分別是鰻魚炒飯和日式炒烏冬。 鰻魚炒飯: 鰻魚算係幾多，但係是凍的，至於炒飯則是微暖。估計係落鑊的時間唔夠，而 D 鰻魚更加係落完之後兜兩兜就上菜果隻。唔知係咪因為人多，師傅趕時間而起呢？味道就 OK，份量就一般，明顯比午餐時少的。 日式炒烏冬: 好細碟，好油膩 (雖然相片 Out fo 了，但都要 upload 上黎比各位睇有幾油)。是用煙鴨胸洋蔥炒的... 好明顯是「港式」炒法來的。如果好吃的話，唔係正宗日式既我都唔介意.. 可是，除左 d 煙鴨胸之外，d 烏冬係冇味的 ~ 而呢個比鰻魚炒飯更嚴重.. 它不只是局部唔熱，而是全盤唔熱。又油又唔夠熱，真係好滯下囉。埋單唔洗加一，每人廿幾蚊，仲有野飲.. 好似好抵食咁。但依家 (兩個小時後) 個肚仍然係滯住滯住，這就是貪平的代價了。