OMG Chicken (Closed)

前兩日去將軍澳行咗轉Donki，行完Donki梗係要食嘢啦，附近都好多食物，有間烤雞店，環境唔錯，餐廳嘅設計帶有一點旅遊風，令我想起呢段時間冇得去旅行，不禁帶有一點傷感，還好美食當前，令我暫時放下這一點傷感。川味麻辣烤雞 $98/4pcs麻辣烤翼有兩件雞髀，兩件雞全翼，雞翼好似用燒烤汁烤過咁，香氣比較突出，唔會乾身，有燒烤汁嘅味道，但係雞皮保留香脆，雞翼入邊充滿着肉汁，咬落去嘅時候肉汁都流出嚟。川味麻辣醬另外配上，麻辣醬酸酸甜甜，唔會好辣，同烤雞又幾襯，幾特別。瑪格麗特 $78自己本身好鍾意食pizza，瑪格麗特就算係最經典嘅選擇，一定要試一試。芝士同蕃茄嘅配搭，可算係經典中嘅經典。芝士鹹香，加上蕃茄嘅酸甜，兩者混合得天衣無縫。卡邦尼 $88咁大個人，未見過有卡邦尼嘅Pizza，咁就梗係要叫一個試吓啦。卡邦尼上面嘅芝士同菇類有好多，咬落去，口腔充滿着芝士同菇味。卡邦尼嘅材料配上Pizza，都幾夾，個人覺得呢個仲好食過平時啲Pizza。