Video
Read full review
2024-05-05
107 views
今次嚟到將軍澳海邊嘅一間食黎巴嫩菜嘅海景餐廳，佢外部用咗好多鮮艷嘅馬賽克吊燈做裝飾。而內部就用咗藍白色為主嘅地中海風格同藍白色圖案嘅馬賽克燈做裝潢，環境闊落而且舒適，好適合情侶拍拖，朋友聚會同一家人聚會👨👩👧👦，絕對係將軍澳海濱必到餐廳！🌟烤紅椒核桃蓉 (Muhammara)佢係一種用烤紅椒、核桃、麵包碎打碎成泥狀，再加檸檬汁同橄欖油製成嘅醬，用嚟配玉米片或者Pita Bread食用。食落酸酸甜甜又香脆，感覺就好似食Nachos咁，不過Muhammara就比較酸同埋Fresh啲，而呢個醬都同Pita Bread幾夾。🌟香烤哈羅米芝士哈羅米芝士係一種由羊奶製成嘅芝士，而佢烤完之後，無論係外觀上定口感上，都好似普寧豆腐咁，帶少少煙韌感。食落唔會有羶味得嚟帶有鹹香同奶香，而且爽口彈牙，算係有少少出乎意料。🌟黎巴嫩雞肉卷呢碟菜係用咗厚雞肉去包住米飯，再加蕃茄蓉同蔬菜伴碟嘅一道主菜。雞肉口感比較腍，而雞肉嘅油脂融入米飯入面，令米飯香口得嚟，整體都唔會覺得油膩。而炒飯就有混入少量提子乾🍇同杏仁片，單吃炒飯可能會覺得比較濕，但配埋雞肉🍗卻會覺得剛剛好！🌟蜂蜜芝士焦糖餅唔好比呢個菜式既中文名呃到
🌟烤紅椒核桃蓉 (Muhammara)
佢係一種用烤紅椒、核桃、麵包碎打碎成泥狀，再加檸檬汁同橄欖油製成嘅醬，用嚟配玉米片或者Pita Bread食用。食落酸酸甜甜又香脆，感覺就好似食Nachos咁，不過Muhammara就比較酸同埋Fresh啲，而呢個醬都同Pita Bread幾夾。
🌟香烤哈羅米芝士
哈羅米芝士係一種由羊奶製成嘅芝士，而佢烤完之後，無論係外觀上定口感上，都好似普寧豆腐咁，帶少少煙韌感。食落唔會有羶味得嚟帶有鹹香同奶香，而且爽口彈牙，算係有少少出乎意料。
🌟黎巴嫩雞肉卷
呢碟菜係用咗厚雞肉去包住米飯，再加蕃茄蓉同蔬菜伴碟嘅一道主菜。雞肉口感比較腍，而雞肉嘅油脂融入米飯入面，令米飯香口得嚟，整體都唔會覺得油膩。而炒飯就有混入少量提子乾🍇同杏仁片，單吃炒飯可能會覺得比較濕，但配埋雞肉🍗卻會覺得剛剛好！
🌟蜂蜜芝士焦糖餅
唔好比呢個菜式既中文名呃到（👧🏻就係比佢呃咗🤣），佢既英文名係Kunefe，用上Kudayif呢一種貌似米粉既碎宵小麥餅🫓，煮時混入大量牛油🧈、糖漿、蜂蜜、白芝士而壓成既甜品。焦糖餅入口非常香脆，甜味突出。配埋滿滿雲尼拿籽既雲尼拿雪糕，灑在碟邊既開心果碎，呢個甜品絕對為呢餐飯畫上完美句號。
Post
