榕記車仔麵 (Closed)

同男朋友係寶琳睇夜場諗住食個晚飯先，經過見到呢間新開嘅車仔麵🍜，我地係門口望入去見都幾多人食咼，就決定一於試試佢🤔入到去環境都幾大，幾闊落，仲見到有兩部單車掛喺牆度做裝飾，同埋有宣傳單車籌款旅程既Poster，我估店主應該係單車迷😂 另外仲見到掛左好多一幅一幅店主同明星既合照做裝飾。咁食物方面，店員就介紹佢地係主打冇味精嘅湯，話係真材實料，所以我就叫左碗姬松茸蟲草花養生湯試下，男朋友就叫左碗豬骨湯😋姬松茸蟲草花養生湯 $46豬大腸，雞翼尖，豬紅，米線店員話d餸放落湯會影響湯既味道，所以餸同湯會分開上，我覺得尼細節位咁做又幾細心🙈我覺得碗湯真係飲得出係冇味精，好有蟲草味，即刻覺得好養顏🤣同d米線又幾夾🤔豬骨湯 $39陳皮魚蛋(辣)，貢丸，雞翼，牛腩，油麵豬骨湯味都濃郁，我就比較鍾意d🙈牛腩都幾淋幾入味👍🏽好耐冇食過陳皮魚蛋，見到有我就即刻點咗，係懷舊嘅味道，喜歡☺蠔油時菜 $16蒜泥白肉 $23不過我最鍾意就係佢哋嘅蒜泥白肉，一食就愛上左😍我哋覺得呢間嘅蒜泥白肉好食過譚仔🙈點解？因為尼間d白肉唔會太多肥膏，肉同脂肪分布得平均，蒜泥又唔會太多油，食落都唔覺得肥膩唔飽唔制，下面仲有青瓜鋪滿住