禮記 (Closed)

放假想行吓激安，近近哋去咗將軍澳嗰邊，順便食個午餐。好耐無食心點(小新叫法🤣)，於是就揀咗去「禮記」開餐。小店環境唔錯，面積幾大，有著新派嘅裝修，估計配合返附近嘅年輕住户🏡。餐廳其實同酒樓無乜分別，日間做飲茶，夜晚做小菜晚飯🥢。定價我認為都算頗為進取，星期六日點心價錢如下：小點$26、中點$35、大點$40、特點$44、頂點$49以及超點$59。未食點心前，先嘆返啖茶🍵，我哋要咗普洱(茶位每人$13)，味道幾清香，仲意外地帶點荔枝味。值得一提嘅係茶杯花紋好靚，細細隻似飲緊功夫茶。鮮蝦米網春卷(頂)，呢個係進化版嘅炸兩，滑溜嘅腸粉皮包住米網蝦春卷。🥠米網皮好酥脆，而內裡就有蝦膠同翠玉瓜粒，整體唔錯。黑金流沙包(大)，流沙包造型精美，店員提醒小心流沙餡燙熱，佢果然冇講錯，因為入面真係非常流心，蛋黃味濃🍳。紅菜頭松露野菌餃(特)，加入紅菜頭整成嘅水晶餃皮又靚又好食，口感煙韌，🍄而野菌餡本身就好香菇味，頗惹味的。禮記黑金蝦餃皇(超)，蝦餃皇3+1，中間嗰粒都食得㗎。蝦餃用上原隻爽彈鮮蝦🦐，正，但我就略嫌餃皮偏厚。香茜咸水角(大)，咸水角外皮綠綠的，有啲似啤梨，因為係採用咗芫荽🌿，但唔使擔心會太