樂糖 (Closed)

話說我都係將軍澳住左二十幾年，區內的食店真係越黎越差，今日真係難得遇上一間服務，環境，食物都好好的小店。。。之前有不少報導，知道此店的店主係一對係將軍澳長大的夫婦，睇過menu ，價錢大約三十至七十不等，不同價錢都有選擇，無論小小一份還是大大一份都有，適合唔同的人 我地總共四個人，叫左好多野食，首先叫左個二人餐同一份雞翼，二人餐有沙律，pizza, 意粉同飲品都係108炸。。。抵到。。。之後再加多左份水牛城雞翼，自問係水牛城雞翼控，試過林林總總唔同的水牛城雞翼，竟然，係一間甜品舖食到我超級大愛的味道，雞翼竟然可以充滿肉汁，辣汁做得酸甜辣適中。我立刻忍唔住同侍應反映俾廚師聽，點知原來係老闆娘黎嫁，她話，為左做呢隻雞翼，食左超過三磅，晚晚都食雞翼唔怪之得咁好食。。。正！不過因為即做，所以會等得耐，但係我覺得一定要等另外叫左兩個甜品，朱古力心太軟同香蕉士兵本身因為好多心太軟太甜同朱古力味假而不愛心太軟的我，竟然又揾到我鐘意食的心太軟，老闆娘話呢個心太軟用左72%朱古力，會好杰身。其實上到枱已經聞到濃濃的朱古力味，一食，簡直驚為天人超好味。。。。缺點係。。。我本身話我唔鍾意食。。。我分得太少啦