三原 (Moved) New Location

將軍澳別樹一格既高質素鐵板燒餐廳，餐廳整體感覺、格局，裝修設計都籠罩左日式餐廳既氛圍，相當有氣派🍶 今次點選既套餐主要以海鮮類為主，當日海鮮非常新鮮，尤其係南非鮑魚，大隻又生猛，個人黎講好欣賞廚師揀選醬汁嘅搭配，海膽牛油醬令鮑魚味道更加creamy，油脂香充滿左成個口腔🥢 而另一款特調既龍蝦汁亦令龍蝦口感更為豐富突出，重視醬汁味道既朋友應該會十分欣賞～ 壓軸出場既宮崎 A5 和牛西冷，油脂分布平均，厚身而又香口，入口即化，配上青森縣既蒜片同水菜絲幫助解膩，絕對令人讚不絕口🍽 值得一提，餐廳所採用既碗碟、餐具，器皿都別出心裁，令整體用餐體驗更上一層樓💫