半島漁港/阿翁火鍋館

Open Now

Now Closed

之前食過任食火鍋好正，今次就試埋晚飯小菜，四個大男人六點去到攞位入座，睇完餐牌我哋就叫咗個晚飯$398有：美極煎海蝦、燒腩仔、龍躉兩味(蒜子果皮蒸頭腩&油泡龍躉球)、芋頭扣肉煲$98、沙薑豬手$68另外再用$1加咗個晚市堂食優惠(至尊燒鵝皇)，跟住食物好快陸續上枱，先嚟個燒鵝皇，皮脆肉嫩好食，仲帶有好香濃嘅鵝香，個芋頭扣肉煲好食份量亦好足，每一塊扣肉同芋頭都好大塊厚肉炆得又夠淋，唔似出面啲酒樓咁又薄又細塊，我地忍唔住要即刻每人叫返碗白飯嚟餸tim，另外嘅菜式同樣出色，龍躉兩味個蒸頭腩蒸得啱啱好唔會過火，魚肉嫩滑好有骨膠原，油泡龍躉球一樣整得啱啱好唔會話油冧冧，魚塊又厚肉又嫩滑， 啖啖肉送酒一流，呢個龍躉兩味嘅煮法完全突顯倒廚房師傅嘅功力，其他小菜亦有唔錯嘅水準，食到最後仲有糖水(紅豆沙)送，呢間《半島漁港》無論服務同埋食物質素都好高質，唔怪得連平日嘅晚飯時段都坐無虛席la