牛魔 (Closed)

來一張燒肉大合照，準備開懷大吃一餐。香蔥牛脷($85)，牛脷燒熟後充滿油脂，口腔滲出濃厚既牛舌香味，咬落有Q彈口感。櫻花蝦粟米餃子($65)，餃子內既餡料有肉汁，而且放入粟米粒增加口感，配合左香味十足既櫻花蝦，餃子本身已經好夠味，所以醬汁唔會太濃味，帶微甜，整體感覺好夾。全天然豚肉五花腩($130)，免費跟一份生菜，五花腩order左厚切size，每片肉脂比例係8比2，由於冇用任何醃料去醃製，所以熟後可以加上店家自製韓式辣醬，再放上生菜包住一齊食，唔會太油膩。美國Prime牛肋骨($198)，肋骨有醃製過，所以本身已經入晒味，唔需要額外放任何調味，肉質軟腍易咬。日式炒烏冬($65)，超足料既一份海鮮烏冬，每一啖都食到粒粒墨魚肉或硯肉，炒得夠惹味，而且烏冬唔會掛滿好多油。巨峰梳打特飲($48) ＆ 鳳梨梳打特飲($48)，食得太多肉始終都有d口渴，飲返杯冰凍特飲好解渴，我個人覺得鳳梨味味道較出較好飲。