Video
Read full review
2022-11-17
1704 views
又到星期日，喺個要周圍搵食的日子。古琴雅苑嘅片皮鴨聞名已久，終於今晚齊人可以一起去試食。本來想去尖沙咀嗰間分店，但係book位時已經滿座，於是乎轉軚去灣仔呢間古琴雅苑食。全家人都鍾意食片皮鴨，為咗滿足食慾，我哋就嗌咗全隻。除此之外仲嗌咗四、五樣已經好耐冇食嘅京滬菜。烤北京填鴨（全隻）$388要全隻片皮鴨嘅決定做得一啲都冇錯。因為係全隻鴨，所以所有嘅配料同捲餅都打孖上，啲鴨肉亦都分別擺在兩隻鴨子造型的盤上，望落去覺得幾得意。因為係聞名已久，所以對佢有頗高期望。包好一份烤鴨一啖咬落去，嘩，真係名不虛傳，正啊！卷餅鬆軟，包住酥皮鴨肉，加上有哈密瓜在內嘅配料，食落口感清新，一啲都唔感到肥膩，仲非常有滿足感，係我哋喺香港食過最好味嘅北京烤鴨。無錫脆鱔 $98呢個無錫脆鱔係個功夫菜，以往食得太多炸咗出嚟變成黐埋一舊或一啲都唔脆嘅，呢度嘅師傅功夫好，將啲鱔炸得脆卜卜，加上味道調得適中，連平時唔食鱔嘅妹妹都讚話Ichi-ban!農家醬爆羊肉 $148呢碟餸师傅炒得夠火候。佢偏重口味，啲羊肉係鮮嫩嘅，同埋甜椒、木耳一齊炒，仲落埋鮮蝦（以前食呢味餸從來冇見過落蝦嘅）。可能係因為我哋冇嗌白飯，就咁食覺得稍為
本來想去尖沙咀嗰間分店，但係book位時已經滿座，於是乎轉軚去灣仔呢間古琴雅苑食。
全家人都鍾意食片皮鴨，為咗滿足食慾，我哋就嗌咗全隻。除此之外仲嗌咗四、五樣已經好耐冇食嘅京滬菜。
烤北京填鴨（全隻）$388
要全隻片皮鴨嘅決定做得一啲都冇錯。因為係全隻鴨，所以所有嘅配料同捲餅都打孖上，啲鴨肉亦都分別擺在兩隻鴨子造型的盤上，望落去覺得幾得意。
因為係聞名已久，所以對佢有頗高期望。包好一份烤鴨一啖咬落去，嘩，真係名不虛傳，正啊！卷餅鬆軟，包住酥皮鴨肉，加上有哈密瓜在內嘅配料，食落口感清新，一啲都唔感到肥膩，仲非常有滿足感，係我哋喺香港食過最好味嘅北京烤鴨。
烤北京填鴨
$388
27 views
0 likes
0 comments
烤鴨卷餅
25 views
0 likes
0 comments
無錫脆鱔 $98
呢個無錫脆鱔係個功夫菜，以往食得太多炸咗出嚟變成黐埋一舊或一啲都唔脆嘅，呢度嘅師傅功夫好，將啲鱔炸得脆卜卜，加上味道調得適中，連平時唔食鱔嘅妹妹都讚話Ichi-ban!
無錫脆鱔
$98
29 views
0 likes
0 comments
農家醬爆羊肉 $148
呢碟餸师傅炒得夠火候。佢偏重口味，啲羊肉係鮮嫩嘅，同埋甜椒、木耳一齊炒，仲落埋鮮蝦（以前食呢味餸從來冇見過落蝦嘅）。可能係因為我哋冇嗌白飯，就咁食覺得稍為鹹咗啲。
農家醬爆羊肉
$148
30 views
0 likes
0 comments
風味松子魚 $245
呢個係我嘅至愛，疫情三年幾來第一次食松子魚，條魚炸得香口，唔厚粉，加上啲甜酸醬，食落非常開胃。味道方面稍為偏甜，我覺得落少三份一嘅糖都應該OK。
風味松子魚
$245
38 views
0 likes
0 comments
四喜烤麩（網上訂座優惠，送嘅）
味道都唔錯，但係似係喺雪櫃啱啱攞出嚟，所以凍冰冰，要減咗啲分數。
四喜烤麩
28 views
0 likes
0 comments
砂鍋腌篤鮮 $188
呢個湯係上海人家嘅家常菜，但係做得好並唔容易。有啲人做出嚟不單止冇個鮮味，仲咸到攞命。呢間餐廳嘅腌篤鮮做得好，湯底濃郁，食得到筍、臘肉同各種肉類嘅鮮味。個湯咸味適中，加埋百葉結索咗湯汁，係我飲過嘅腌篤鮮中的佼佼者。
今晚尼餐連茶芥服務費，埋單千二蚊。咁嘅價錢可以食到咁高質素嘅晚餐，真係物有所值，呢頭至食完就已經諗緊幾時返嚟再食啦！
Post
