Goobne Chicken (荃新天地)

Open Now

Now Closed

朋友相約去荃灣睇開倉買嘢，買完嘢就係附近商場搵餐廳醫肚；朋友係好喜歡食韓式炸雞，二話不說就諗起有間專食韓式炸雞的專門店，餐廳以韓式小木屋外形設計，好有cafe既感覺。今次點了有骨辣椒脆烤雞 、無骨果味醬油蒜香烤雞，另外點了一杯好好打卡既無酒精mocktail 「鯊魚之淚」。這款「鯊魚之淚」 是餐廳的招牌飮品，我被那條插在飲品上的鯊魚吸引着，飲品模擬鯊魚在大海之中，味道是檸檬與香桃，色澤鮮豔，味道清甜，冰凍宜人，配炸雞一絕。有骨辣椒脆烤雞真係好惹味，辣味剛剛好，雞嫩滑，外脆內嫩，十分脆口，可以攞喺手上食都係一種享受。無骨果味醬油蒜香烤雞就可以中和返有骨辣椒脆烤雞既辣味，雞肉冇骨，啖啖肉咁食，可以一邊食嘢一邊傾下買左咩戰利品，真係好好味。