波仔記車仔麵 (Closed)

今日去北角做嘢， 下午茶時間周圍行吓，因為實在太耐冇黎哩區。行入七姊妹道，見有間車仔麵裝飾懷舊風，門口有提到灣仔老店嘅分店，原來係鵝頸橋嗰間波仔記，就緊係入去試吓。佢地介紹我試下新加嘅最辣汁配撈麵，我揀左油麵試下。出奇地絕配！呢個秘製辣汁，同佢哋一貫作風一樣，食完唔會口渴，對我來講唔算好辣，本人食開譚仔小辣。不過味道真係幾香，食得出有沙茶醬同咖喱味，仲有説不出的香辣味。真係要你哋自己親身嚟試先知。不過真係值得推介，好配合車仔麵。其他嘢都保持到灣仔的水準。