阿一豬扒酸辣米綫

Open Now

Now Closed

講左咁多集雲南米線，大家或者都知我的Preference係麻辣米線，而我唯一一間會食酸辣米線就係阿一豬扒。第一次食阿一豬扒反而係中環附近，那時我仲記得米線都未成為主流，所以當初食一刻味蕾的衝擊係好震憾。由於工作地點關係，所以知道係北角都係阿一豬扒的分店，就平均一個月都會食1至2次。阿一豬扒米綫有3大賣點，第1賣點一定係個湯底，佢的酸同辣味係好出得黎又唔會搶過大家的味道，酸菜同辣油的比例岩岩好，仲有無限配菜，唔知點解係其他地方係食唔到呢種的酸辣味。第2賣點係個豬扒，其實都餣得幾入味又唔算好鞋，雙拼餸的豬扒分量都有兩大塊，其實都真係抵食。而最後一個賣點就係分量夠大碗，豬扒有兩大塊不特至，隻碗Size都好大，米線分量都唔少，如果胃口細D的朋友都未必食得晒。我首推豬扒韮菜餃酸辣米線，因為韮菜餃可以有四大粒，餃子皮夠滑，內裏餡料味道都唔錯，加埋豬扒同大大碗米線相當夠飽。