Delish (Closed)

呢個All Day Breakfast一上餐檯，我哋已經嘩嘩聲。除左因為賣相靚之外，仲因為有好多唔同款式嘅食材喺入邊，同一般嘅All Day Breakfast材料有啲唔同，包括有芝士大啡菇、煙三文魚田園沙律、菠菜車打芝士腸、炸甘栗紫薯餅、炒滑蛋、牛油粟米、煙烤腩片、烤焦糖菠蘿。小編最鍾意呢就係炸栗紫薯餅啦，薯餅炸得好脆口，食落去仲有粒粒甘栗，好正好滿足。而小編亦都好鍾意烤焦糖菠蘿，眾所周知燒咗嘅菠蘿好香好甜，呢度嘅烤焦糖菠蘿亦唔例外。正！芝士紫菜炸甜蕃薯條配松露 $48 （加配價）番薯薯條食落非常之甜，黑松露醬就正正常常啦，不過就食唔到芝士紫菜嘅味道。成個薯條都算唔錯。Delish Tiramisu $38 （加配價）Tiramisu口感綿滑，甜度啱啱好，唔會太甜亦唔會有太重嘅酒味，但又食到啖啖嘅咖啡同酒既香味。小編都幾推介你哋食呢一個甜品。雜莓自家製窩夫雜莓窩夫食得出係即叫即整，窩夫食落脆脆香口，令人食唔停口。