三田製麵所 (K11購物藝術館)

Open Now

Now Closed

依家逢星期四都約咗朋友係老地方酒吧敘舊，所以逢星期四都會去尖沙咀。原來我同女朋友咁耐都未食過三田製麵所，所以今次就試吓啦！-濃厚豚骨魚介沾麵其實所謂魚介，就是各式的乾魚。我本身好鐘意食日本麵，特別係烏冬同沾麵。沾麵其實係熱湯底加冷麵，所以整碗麵夠唔夠熱好睇熱湯底有多熱，而今次碗麵我覺得係「唔夠熱」的，尤其食到後期傾多陣計發現我湯底已經凍哂，我喺出面食過沾麵佢哋會特登有一塊熱石整返熱啲湯底，但係今次就冇，所以有啲失望。另外我覺得湯底太鹹，可能嗰啲係魚介嘅鹹味，不過我自己鍾意偏淡嘅食物～-半熟蛋拉麵女朋友真係好鐘意食流心蛋，佢一到食，一到「嘩嘩聲」。今次食嘅糖心蛋係用滷嘅方法整，雖然未算係好流心，但味道足夠。-蟹肉忌廉薯餅完完全全新鮮整出嚟，超級熱。其實我發現食完成舊薯餅係冇蟹肉味嘅，更加遑論搵到一舊蟹肉。但係純粹以薯餅嚟㗎我覺得都OK嘅，再加上忌廉，所以舊薯餅好滑。