Video
Read full review
2023-01-25
1281 views
我係附近住既街坊，其實我好少寫食評，但今次好差，飲餐茶要俾人鬧我真係好唔鍾意。我地係年初四大約11:40入去幫襯既，咁一行四人得閒就去飲茶啦，我哋平時去開其他地方飲既，不過見好少黎呢間就試下啦。我地見佢門口有得㩒飛，就㩒咗張B008，我地見其實就叫緊B004，咁應該等多4張就到我哋啦。同埋個陣門口都冇乜人既，我地估應該好快到既。過咗一陣就見到有一批10幾個人落咗樓，心諗應該好快位啦！跟住見到有啲人話識人，又有人話book咗位既，個啲人係冇飛既咁就上咗去。咁我都明既酒樓都有啲熟客會插隊，就繼續等囉。咁過多陣就見到又有陸續10至20個人行落樓梯，咁我諗點都到我啦？？佢又再放咗啲熟客入去，咁我真係等咗好耐，叫飛個system 都冇郁過，咁我就走埋去問佢，我㩒咗飛等4張，你上面走咗咁多人都冇位？你一個number都冇叫過。佢話有啲人book咗位個啲係8至12人就要放人入去先，同埋有人book咗12點半放唔到枱，我就話佢：我㩒咗飛架喎，你放上去咁多個都係4人枱架喎，我聽住你同上面講架，可唔可以跟返number叫飛呀？係真係唔公平，所以就出咗聲。佢話我：咁人地book咗位就係先過你架嘛！我話：咁你
我地係年初四大約11:40入去幫襯既，咁一行四人得閒就去飲茶啦，我哋平時去開其他地方飲既，不過見好少黎呢間就試下啦。
我地見佢門口有得㩒飛，就㩒咗張B008，我地見其實就叫緊B004，咁應該等多4張就到我哋啦。同埋個陣門口都冇乜人既，我地估應該好快到既。
過咗一陣就見到有一批10幾個人落咗樓，心諗應該好快位啦！跟住見到有啲人話識人，又有人話book咗位既，個啲人係冇飛既咁就上咗去。咁我都明既酒樓都有啲熟客會插隊，就繼續等囉。咁過多陣就見到又有陸續10至20個人行落樓梯，咁我諗點都到我啦？？佢又再放咗啲熟客入去，咁我真係等咗好耐，叫飛個system 都冇郁過，咁我就走埋去問佢，我㩒咗飛等4張，你上面走咗咁多人都冇位？你一個number都冇叫過。佢話有啲人book咗位個啲係8至12人就要放人入去先，同埋有人book咗12點半放唔到枱，我就話佢：我㩒咗飛架喎，你放上去咁多個都係4人枱架喎，我聽住你同上面講架，可唔可以跟返number叫飛呀？係真係唔公平，所以就出咗聲。
佢話我：咁人地book咗位就係先過你架嘛！
我話：咁你話8至12人枱先要book，咁我4人枱都唔關事，點解我要等咁耐？你已經放咗好多熟客啦，點都要叫飛啦嗎？
佢問：你幾多號飛呀？
我話：B008
佢話：咁你咪等下囉！個個都係要等！
轉頭我見到佢又靜靜雞叫咗幾個熟客入去喎！今次唔叫咪啦可能怕我聽到。我真係把幾火，個陣已經12點半，我都唔知仲要等幾耐，等咗差唔多50分鐘得個桔。我地就話咁唔等啦我地走，個知客話：
咁你地咪走囉！唔飲唔好飲！
超趕客，我真係未試過等位等到俾人鬧，仲要係佢唔啱在先。如果你唔係熟客就唔好幫襯，因為佢淨係俾熟客入，你係生客靠個㩒飛system係唔會入到去，分分鐘㩒午市飛下午茶時段都唔洗入，而且個知客既態度好差，想俾人串下鬧下既歡迎你去，我就唔會再去架啦。
Post