Video
Read full review
2021-11-16
808 views
之前同朋友去搵嘢食，咁啱見到呢間冇乜人等位所以入咗去試。本身對素食有啲主觀反感，但係食完呢間之後，改觀咗。.食佢嘅午市套餐，包一杯佢哋贈送嘅薏米水(?)，然後主菜再加一碗好足料嘅湯。.湯: 我冇特別聽佢講係咩湯，飲嘅時候清清地，清得嚟又唔會話無味，咸度拿捏得幾好，仲有好多菇，而且眼見都有幾種唔同嘅菇，飲落唔會好似飲咗成啖味精咁。入面好重菇味，不過係真係香嗰隻菇味。.送嘅飲品(我覺得係薏米水): 唔難接受，好易入口，(以我平時只飲汽水，水都盡量唔想掂嘅人嚟講)令我對健康食品有啲改觀。佢冇嗰陣好難聞草味，清清甜甜好解渴。.終於到主餐，我叫咗佢嘅素牛肉末炒飯，我朋友叫咗手撕雞飯卷。.因為以前食過一間素食嘅蒟蒻三文魚，好反感，所以當我見到佢所講嘅素牛肉，本身都有啲抗拒。但係當餐點嚟到，試咗第一啖，以前對於素食嘅主觀感受一掃而空，佢嘅味有啲似楊州炒飯，一啲奇怪嘅味都冇，冇好似以前我食嗰啲，好似咕嚕肉用菇代肉等等嘅怪異感。個啲素牛肉碎，好完美融合嗰個飯入面。飯入面其他嘅蔬菜，更加唔洗講，調味非常剛好，本身眼見佢份量咁大，都以為食唔曬，但係可能因為佢唔係好油膩，而且味道好吸引，而不知不覺間食曬。.手
.
食佢嘅午市套餐，包一杯佢哋贈送嘅薏米水(?)，然後主菜再加一碗好足料嘅湯。
.
湯: 我冇特別聽佢講係咩湯，飲嘅時候清清地，清得嚟又唔會話無味，咸度拿捏得幾好，仲有好多菇，而且眼見都有幾種唔同嘅菇，飲落唔會好似飲咗成啖味精咁。入面好重菇味，不過係真係香嗰隻菇味。
.
送嘅飲品(我覺得係薏米水): 唔難接受，好易入口，(以我平時只飲汽水，水都盡量唔想掂嘅人嚟講)令我對健康食品有啲改觀。佢冇嗰陣好難聞草味，清清甜甜好解渴。
.
終於到主餐，我叫咗佢嘅素牛肉末炒飯，我朋友叫咗手撕雞飯卷。
.
因為以前食過一間素食嘅蒟蒻三文魚，好反感，所以當我見到佢所講嘅素牛肉，本身都有啲抗拒。但係當餐點嚟到，試咗第一啖，以前對於素食嘅主觀感受一掃而空，佢嘅味有啲似楊州炒飯，一啲奇怪嘅味都冇，冇好似以前我食嗰啲，好似咕嚕肉用菇代肉等等嘅怪異感。個啲素牛肉碎，好完美融合嗰個飯入面。飯入面其他嘅蔬菜，更加唔洗講，調味非常剛好，本身眼見佢份量咁大，都以為食唔曬，但係可能因為佢唔係好油膩，而且味道好吸引，而不知不覺間食曬。
.
手撕雞飯卷，我試咗一舊，佢嘅手撕雞同以上嘅素牛肉碎一樣，完美化身為一舊飯卷。完全唔洗擔心，本身唔係食素會唔習慣嘅問題。佢嘅味道同口感唔會令人跳出嚟(which I mean)望住舊雞食到菇味嘅奇怪感覺。
.
總括而言，所有嘢食嘅存在都好自然，係一間好適合同素食朋友或者朋友一齊食嘅餐廳。
Post