蔬芙 (Closed)

第一次食評，紀錄可能係最後一次品嘗到既餐廳。杏花難得既一間新派素食店，一直會間中支持，但發現做到10月20日就租約期滿😭米蘭牛膝配番紅花椰菜花飯用蓮藕腐皮做牛膝，好香既西式番茄米蘭醬汁，還原素食者都能享受既外出西餐風味。椰菜花飯伴濃厚creamy汁煮，粒粒分明，好有口感，只食飯都好夠味。泰式木瓜沙律木瓜絲配泰式沙律汁，有花生、新鮮沙律菜，另伴素甜三文魚籽有驚喜。養生素燉湯滿滿湯料，有多種菇類、龍眼、鷹嘴豆。

好少有食素嘅餐廳，同屋企人都有咁好嘅評語！唔知係咪因為之前疫情嘅關係，餐廳只要係外賣都有折扣優惠。叫咗兩個晚市套餐，價錢大約係$108-128，有前菜，主菜同湯。沙律入面嘅素叉燒比起餐廳嘅三色齋更加好味，因為素叉燒嘅邊燒得好香！沙律入面亦有一粒爆珠，咬落去好似芒果汁一樣，感覺好新鮮。串燒嘅味道好香好濃，不過相對地味精可能會有少少，所以食完之後有啲口渴。我哋分別叫咗兩個炒飯，個牛油果海鮮炒飯味道好重奶香，椰菜花又夠晒健康，整個飯都好好食！鍾意食濃味啲或者辣嘅朋友，就會好鍾意食冬陰功新豬肉飯，味道又香又濃，仲好食過喺泰國菜館食嘅炒飯添！

平日午市套餐$60+日式叉燒糖心蛋拉麵➡️套餐可以跟湯或者沙律，另外仲有杯飲品。湯係某種菇嘅湯，仲有啲龍眼肉，飲落重茹味，鹹味中帶點微酸。飲品係熱柚子蜜。拉麵湯底飲到好重嘅腐竹豆漿味，素叉燒偏鹹，拉麵麵質好似公仔麵咁都幾好食，拉麵同湯中和叉燒嘅鹹味，糖心蛋正常，整體都OK

難得平日放假又想食素，近近哋見到杏花新城有得食仲可以逛吓街12:15左右已經有四五枱客，估唔到都多人選擇食素喎！不過一條友又係唔洗等位即入午餐都好多選擇，價錢合理，我都左諗右諗要鮮淮山芫茜湯素餃子定素帶子羅勒牛油果醬燴椰菜花飯好呢？養生燉湯有龍眼肉同好多菇菌好飲！《素帶子羅勒牛油果醬燴椰菜花飯》有素帶子、西蘭花、甘荀粒、粟米粒、豆角粒、牛油果粒、椰菜花粒仲有藜麥賣相同味道都好好相比平時嘅午餐今餐自我感覺良好嘅午餐

今日襯返工又想食清淡d, 就諗住食餐齋啦 😌以為一路食開個既椰菜花飯都覺得好香好creamy ,但係今次真係差左🥲我今日叫左個鎮江骨石鍋伴飯，其實個石鍋只係道具, 完全無飯焦，另外所謂鎮江骨就係腐竹，雖然好多舊好飽 但係一d都唔滿足🥲可能暫時都未必會來啦

多年前，曾經有段時間是茹素，那年代沒有green Monday ，也不像現時多人接受，所以那時期的我常被人看作「異類」。時代不同了，愈來愈多人因為宗教或健康保健理由選擇茹素，餐廳選擇也多了。這間餐廳在家附近，屬於比較新穎素菜，間中也會獨個兒來用餐，set lunch 價錢抵，60多元包括湯/沙律、主食、飲品我最愛就是飲湯，養生燉湯很足料，菇菌、龍眼、栗子、豆，飲下很舒服😌而當日飲品是羅漢果茶這次點了金沙帶子炒飯，一放桌上就聞到陣陣咸香味，吃下味道又不會太濃，炒飯有咬口，份量很大，惟一不足的是帶子量略少。間中想清淡一下，是不錯的選擇👍🏻

之前去開港島東，知道杏花邨有間素店，所以就走咗去食。位置幾方便，位於地鐵旁邊嘅商場地下。午市套餐 (附送藜麥車厘茄沙律+腐竹薏米水)8. 石鍋濃湯年糕淮山素餃子 ($58)份量比較細，餃子入面主要係素肉碎，幾好食。嚐·餐頭盤: B. 日式素墨魚薄切初頭以為素墨魚又係用蒟蒻扮，點知食落口感好滑、煙韌，似椰果，幾特別。碟邊放咗類似海葡萄嘅粒粒，素店通常用黎扮魚子，一咬就爆開，但味道麻麻哋，似藥水味。湯: X. 養生燉素湯好濃郁菇菌味，材料有冬菇、靈芝菇、鷹嘴豆……主菜: 5. 米蘭燴素牛膝配蕃紅花椰菜花飯 ($128)好多人都會叫嘅菜式。素牛膝幾特別，由4種食材組成，最外層係腐竹、中間係素肉 (似新豬肉)同蓮藕、蓮藕中間嘅洞放咗豆腐。椰菜花飯好香椰汁味，除咗椰菜花碎，仲加入意大利米型意粉同藜麥，口感豐富。黑松露醬叉燒刈包 ($42/ 3件)

🍀"A Link to Perfection and Peace." - River Phoenix🍄 養生燉湯💯 評分：🌕🌕🌕🌕🌕 (5/5)💬 菇味香濃，湯渣份量十足，味道唔太鹹啱啱好。😋🥗 柚子野菜沙律💯 評分：🌕🌕🌕🌕🌑 (4/5)💬 賣相色彩繽紛，柚子夠多，酸酸甜甜咁幾開胃。😃🍵 腐竹薏米水💯 評分：🌕🌕🌕🌕🌑 (4/5)💬 類似有薏米嘅腐竹糖水，甜度適中、清涼解渴。😌🍝 星洲素海鮮炒米粉 $62💯 評分：🌕🌕🌕🌕🌑 (4/5)💬 完美還原星洲炒米嘅神髓，米粉炒得香口惹味，素海鮮質感特別又冇違和感，素蟹肉更做得頗像真！😍🥦 黑松露素海鮮燴椰菜花飯 $66💯 評分：🌕🌕🌕🌕🌕 (5/5)💬 黑松露嘅香味十分濃郁，仲有少少溶化成絲嘅芝士，夾埋混入三種澱粉質製成嘅椰菜花飯超滿足！🤤🥣 紅棗桂圓燉桃膠 $20💯 評分：🌕🌕🌕🌕🌕 (5/5)💬 桃膠非常足料，亦見到細細片紅棗同桂圓，糖水唔係死甜而散發天然果香，材料豐富好味相當抵食～😚💭 整體用餐體驗愉快有驚喜，高質素食不妨一試～😉

之前同朋友去搵嘢食，咁啱見到呢間冇乜人等位所以入咗去試。本身對素食有啲主觀反感，但係食完呢間之後，改觀咗。.食佢嘅午市套餐，包一杯佢哋贈送嘅薏米水(?)，然後主菜再加一碗好足料嘅湯。.湯: 我冇特別聽佢講係咩湯，飲嘅時候清清地，清得嚟又唔會話無味，咸度拿捏得幾好，仲有好多菇，而且眼見都有幾種唔同嘅菇，飲落唔會好似飲咗成啖味精咁。入面好重菇味，不過係真係香嗰隻菇味。.送嘅飲品(我覺得係薏米水): 唔難接受，好易入口，(以我平時只飲汽水，水都盡量唔想掂嘅人嚟講)令我對健康食品有啲改觀。佢冇嗰陣好難聞草味，清清甜甜好解渴。.終於到主餐，我叫咗佢嘅素牛肉末炒飯，我朋友叫咗手撕雞飯卷。.因為以前食過一間素食嘅蒟蒻三文魚，好反感，所以當我見到佢所講嘅素牛肉，本身都有啲抗拒。但係當餐點嚟到，試咗第一啖，以前對於素食嘅主觀感受一掃而空，佢嘅味有啲似楊州炒飯，一啲奇怪嘅味都冇，冇好似以前我食嗰啲，好似咕嚕肉用菇代肉等等嘅怪異感。個啲素牛肉碎，好完美融合嗰個飯入面。飯入面其他嘅蔬菜，更加唔洗講，調味非常剛好，本身眼見佢份量咁大，都以為食唔曬，但係可能因為佢唔係好油膩，而且味道好吸引，而不知不覺間食曬。.手

難得喺柴灣開咗間素食店，好適合我呢啲好間唔中想食清少少、食得健康啲啲嘅人。我叫左個午市套餐素四寶飯，套餐送好足料嘅養生燩湯同一杯腐竹薏米水都唔過70蚊。個湯幾清甜唔係味精湯。另外星期一至日都有午市套餐，都算係幾抵食👍🏼而且佢哋鼓勵少鹽少油，所以個素四寶飯食落感覺幾清新又唔會好油（尤其出面好多賣中式齋都會好多汁同超油）👍🏼仲有就係員工態度都好nice，我覺得值得下一次再黎試埋佢哋個晚市👍🏼

第一次來杏花邨原來係杏花邨都有咁好食嘅齋舖，好驚喜。價錢合理樣樣野都質素好高👍好快食完唔記得影相😅老闆待人熱情，下次一定帶朋友再幫襯！推薦酸齋同叉燒。。。。

睇餐牌嗰陣時覺得同「小」自然素食有啲似，但「小」前排做外賣半價嗰陣時已經食到正價唔會再去食嘅感覺，因為唔知係食嫌咗定越做越普通。重點啲樓面阿姐真係超冇禮貌。講返「蔬芙」個名真係改得幾好👍媽媽因為食蛋奶素，所以我哋都幫襯過唔少素店，有新素店一定要去支持下，晚上6點零店內人客不多，職員熱情招待到座位上，同行有架bb車，原本諗住放門口，反而佢哋好熱心幫我安置左架車喺店內🙏🏼坐低之後我哋嗌左兩個餐set, 包括馬來沙嗲串燒x2 一個中湯一個西湯 ，石鍋淮山餃子年糕配三小碟，米蘭燴牛膝配蕃紅花椰菜花飯，另外嗌咗個叉燒刈包首先講吓個沙嗲串燒，雖然只係前菜但擺盤相當唔錯，小小辣襯埋車厘茄同沙律菜開胃晒，🥣中左燉湯好清甜🥣西湯好咸，立即同店員講佢即刻話幫我們哋煮過，原本我哋話唔洗啦，費事浪費，只係想比啲意見佢，點知轉個頭佢真係拎咗碗新嘅嚟，正常哂👍跟住到主菜：牛膝椰菜花飯本身聽到係牛膝都估係素肉嗰類野，吖，上菜嗰陣時店員問我哋有冇食過，我仲問返佢要有技巧㗎？😆原來佢解釋返牛膝其實係用左腐皮蓮藕豆腐一層包一層咁做嘅，果然有驚喜👍想讚下蕃茄蓉汁淋上牛膝度配旁邊有小小漏用意大利燴飯做法嘅椰菜花飯放埋一齊，好

住係杏花邨咁耐，其實本身對這一區的餐廳沒有什麼期望，佢開業左咁耐我都未食過，今日路過，見外賣有八折就走入去試吓，我order左pizza燉湯同埋刺身（晚市套餐）分量一啲都唔小，我個人一向大食但都好夠飽，所有食物都好足料，我就連Pizza上面嘅仿海鮮，都做得唔錯，菠蘿係新鮮菠蘿唔係罐頭菠蘿，魷魚做到嘅口感同真嘅魷魚唔大分別，蟹柳個口感直頭一樣，係帶子個口感變咗脆卜卜整體味道好好，個餅底仲係脆嘅。刺身方面雖然相似度唔算非常高，但我個人覺得都係幾好味，個燉湯非常好飲，飲得出冇落味精同埋好足料煲到好出味。下次一定會再幫襯

Good selection available in their Daily Set Lunch menu. Price is reasonable and seating inside is clean and tidy.Very helpful and friendly staff at your service.

新派素食一般都傾向貴，而且份量少，但蔬芙的食物種類選擇不少，份量大，晚上點了湯、小食和主菜，已吃得很飽了。湯很清甜，用料充足。小食方面，沙爹串燒很野味，魚生就一般。主菜方面，番紅花牛膝飯很美味，蕃茄汁很開胃，牛膝也很香。當晚是端午節前一晚，可能未到7點已到餐廳，所以不用等位。這個餐只是承惠大約$140，若果不大食，應該覺得很大份，可打包分2餐食。餐廳環境乾淨衞生光猛，感覺舒適。服務也很好，所以極力推薦這間餐廳