胡爐 (Closed)

今晚約左朋友食呢間都有一段時間無食過，但係我覺得絕對係香港其實一間最高質既火鍋店，我book位果陣都好期待，果然水準都仲keep到咁好，果然無令我失望。呢間火鍋店個重點，我覺得係個湯底。今晚叫左招牌鮮椰青雞鍋，首先真係好足料，最正既係餐廳會輕輕煮下d雞，再落新鮮椰青水再加湯煲，滾起就可以當湯咁飲，濃濃既雞味再加上椰子香味出哂黎，呢個味道就算個鍋滾左兩個鐘都仲keep到，之後落既牛肉，菜，響鈴等都勁入味，完全可以將食物既味道提升，真係無得頂。食物方面其實都勁高質，首先有樣驚喜既係原來而家星期日至四唔計公眾假期，用Openrice book或者打電話book位會送青龍龍蝦，仲要好新鮮又勁大隻，勁正！今晚叫左好多野食，即炸魚皮就咁食又香口又脆，輕輕放落湯底再食又有另一番風味，食得食唔到口。五寶丸各有特色，個人特色中意黑松露墨魚丸，好濃味好正。牛拼盤真係重點推介必叫，總共有五款唔同既牛肉，牛味勁重又juicy既牛頸脊，牛舌芯好有口感，牛胸爽油脂味好重，一試難忘。蔬菜拼盤估唔到都好新鮮，菜都特別甜過人。最後食埋紫菜炸響鈴，盡吸湯底既精華，實在完美。