喜越 (Closed)

前排去完越南，一直對越南法包念念不忘，所以係OpenRice搵吓有咩餐廳食法包，見到呢間主打法包嘅越南餐廳好多好評，就特登去銅鑼灣試一試入面環境簡約大方，好乾淨，同越南嘅感覺真係好唔同，我仲以為係食甜品嘅添我揀左叉燒法包，入面好足料！！有扎肉、醃蔔卜、蛋。醬料有少少酸辣，又唔會太濕。個包本身都好好食，脆而不乾， 問起之下原來係自家調制嘅法包，真係用心！另外揀咗越式炸春卷，同樣外皮好酥脆，入面有黑木耳，口感豐富扎肉蒸粉卷，呢款味度清少少，但都好多料呀，扎肉好食，好似係老闆特登係越南搵番來的。燒豬肉撈檬粉 配肉丸湯豬肉撈檬要加d魚露去調出佢嘅味道，咸香嘅燒豬肉配埋酸甜嘅檬粉，真係好啱夏天食而肉丸都係自家整的，唔係凍肉店質素嘅肉丸！今餐真係好豐富，feel到每樣菜式都好用心製作，全部都係新鮮食材 推介！