Video
Read full review
2016-11-18
3323 views
上星期睇到ig唔少分享講話誠記小籠包拉麵有社會回饋日，小籠包只賣29蚊12隻，價錢相當吸引我去食，既然是日係深水埗美食遊，當然要試下好唔好食。由於當日太多人，我同朋友都安排坐路邊。係等候期間，堂食同外賣排隊有啲混亂，因為冇指示牌同店員指示，好多人都排錯隊，包括我地，希望下次如果舉行呢類型益街坊活動可以改善呢個問題，盡善盡美。排左咁耐隊終於有得坐，我地餐牌未睇已經忍唔住先叫一杯凍豆漿飲，因為好口渴。豆漿唔夠冰凍，黃豆味稀薄，宜多加黃豆攪拌，提升其豆香。為小籠包而黎，點會唔叫小籠包。誠記小籠包拉麵已經事前張貼話小籠包製作需時，需要等45分鐘先上枱，呢個溫馨提示確實重要，起碼比人知道要等，如果等唔到可選擇唔食，最後我地真係等左45分鐘。小籠包尚算皮薄，不過唔夠脹卜卜，肉餡方面少左啲，但豬肉味道鮮，湯汁甜亦爆汁效果，起碼好食過叮叮小籠包。另一個問題就係啲小籠包「跟」包太貼，拎上手時容易刺穿，可以改善下。坐係馬路邊的確有啲熱，我同朋友都異口同聲話想食番個八寶冰。八寶冰用料豐富，有薏米，仙草，紅豆，芋圓，珍珠，完全滿瀉，不過芋圓冇乜味，唔太煙韌，刨冰亦冇味，冇乜落奶。冰刨得粗糙唔細滑，好在唔算太快
由於當日太多人，我同朋友都安排坐路邊。係等候期間，堂食同外賣排隊有啲混亂，因為冇指示牌同店員指示，好多人都排錯隊，包括我地，希望下次如果舉行呢類型益街坊活動可以改善呢個問題，盡善盡美。
排左咁耐隊終於有得坐，我地餐牌未睇已經忍唔住先叫一杯凍豆漿飲，因為好口渴。豆漿唔夠冰凍，黃豆味稀薄，宜多加黃豆攪拌，提升其豆香。
為小籠包而黎，點會唔叫小籠包。誠記小籠包拉麵已經事前張貼話小籠包製作需時，需要等45分鐘先上枱，呢個溫馨提示確實重要，起碼比人知道要等，如果等唔到可選擇唔食，最後我地真係等左45分鐘。
小籠包尚算皮薄，不過唔夠脹卜卜，肉餡方面少左啲，但豬肉味道鮮，湯汁甜亦爆汁效果，起碼好食過叮叮小籠包。另一個問題就係啲小籠包「跟」包太貼，拎上手時容易刺穿，可以改善下。
坐係馬路邊的確有啲熱，我同朋友都異口同聲話想食番個八寶冰。八寶冰用料豐富，有薏米，仙草，紅豆，芋圓，珍珠，完全滿瀉，不過芋圓冇乜味，唔太煙韌，刨冰亦冇味，冇乜落奶。冰刨得粗糙唔細滑，好在唔算太快溶。
Post
