海之日日本料理

Open Now

Now Closed

係得長洲開既日本餐廳，唔會期望係非常之好，非常之高級既日本餐廳。所以試呢間海之日之前都係抱一個無咩期望既心態入去，結果都算係喜出望外。入到去老板娘都幾熱情，招呼周到。menu 上面食物選擇都幾多，基本既日本野都有，刺身壽司選擇都唔少。我同我女朋友就叫左鰻魚烏冬，芝士軟殻蟹卷，雞軟骨棒，明太子雞翼，汁燒雞翼，芝麻八爪魚同青蘋果梳打。鰻魚無好硬，算合格！蟹卷同芝麻八爪魚份量幾大，抵食！不過個八爪魚就太凍，可以改善。明太子雞翼燒得幾香，正！汁燒雞翼就普通，雞翼size 太細，唔夠多肉。免治雞軟骨棒內貌雖然唔好，但係味道正！青蘋果梳打就真係麻麻，好重藥水味。可能因為係d細餐廳，服務態度都幾好，價錢又唔貴，300幾左右，雖然味道唔係十分好，但係都值得推薦既。