87 Coffee

Open Now

Now Closed

好耐冇入過嚟元朗食嘢，今日過嚟呢邊行吓，無意入咗小巷，見到呢間小店。見到價錢平平哋，就去試吓Lunch set先。上咗去2樓坐低，好闊落，唔會因為有位就迫咗好多人坐埋。環境好舒服，枱布係民族風，嘢食上咗嘅時候都好啱打卡，而且天氣咁熱，冷氣都好夠。去到嘅時候其實都等咗一陣，因為都好full。$108 香濃意大利飯配紐西蘭肉眼 5成熟見到$108就可以食到肉眼，超級抵，仲要質素好。冇諗過細舖都可以食到好食嘅肉眼，叫咗五成熟，啱啱好，肉質好軟，唔會Overcooked。個意大利飯都好Creamy。$98 意式菠菜蟹肉闊條麵好大碟，一上枱嚇親，份量足料都有啲食唔晒。 呢個闊條麵係茄汁底，配咗好多蟹肉，闊條麵煮得啱啱好，唔會過硬。+$25 玫瑰鮮奶咖啡跟餐加咗杯，好啱打卡，個漸層好靚。+$25 香橙肉桂梳打呢個都係跟餐加嘅，夏天飲番杯梳打真係好正，有兩塊香橙果乾，底下係香橙果醬。