和拉麵

Open Now

Now Closed

同朋友四圍去搵嘢食，見到呢間餐廳雖然喺條靜靜地嘅街度，但都坐滿曬應該品質有保證。除咗拉麵，仲有好多小食同沙律選擇，仲有生蠔食，真係估你唔到。第一次食就食佢最招牌嘅豚骨原味拉麵($75)蔥揀咗大盛，上枱時滿碗蔥真係好開心。加咗紫菜($5) 由原本一塊變咗四塊。朋友加咗半隻日本溏心蛋($6)，之後先發現原本個麵都已經有半隻。叉燒用火槍燒過，所以特別香口又唔會太薄。湯底唔會太咸，食完無口渴感覺。溏心蛋無鹵過，如果有埋味就肯定加好多分。喺facebook或ig打卡仲有九折優惠，夠曬實惠。