百事吉餅店

Open Now

Now Closed

Biscuit 百事吉，唔知個中文店名係咪咁嚟呢，不過biscuit就唔係佢嘅英文名喔。中文名好有懷舊feel呀，唔知點解覺得好似好有人情味咁，可能呢d係舊時嘅特色啦。而家周圍都係連鎖店，想搵間地道小店都有d難，咁啱路經見到個店名咁盞鬼，就八卦走去望下。咁就買咗袋自家製曲奇，返屋企慢慢嘆。買咗2款口味，牛油果仁曲奇and杏仁曲奇。2款都好好味，好鬆化，正！先講牛油果仁曲奇，牛油味濃郁，但又唔會有膩嘅感覺，食落口冇油膩味，加埋碎果仁，good！杏仁曲奇嘅味道就較淡，一面鋪滿杏仁片，依然不失鬆化。最鍾意嘅係小甜，就算食多幾塊都冇咁有罪惡感嘛。下次再路經時要再買多包先得。