聚小館 (Closed)

聚小館 係大角咀馬會附近有間小店，雖然店內裝潢同一般茶餐廳分別不大，但餐牌上有有不少特色小菜，我今日就路經大角咀，決定一試特色。入去時係午市，餐牌上好多選擇，店員定唔知係老細走埋黎推薦兩個餐，分別係黑松露北海道元貝讚歧烏冬同龍蝦湯西施泡飯。黑松露北海道元貝讚歧烏冬先講個烏冬，湯低夠味，但唔係特別濃郁，清清地，配料都係一啲野菌類，而主角之一元貝唔係特別大顆，數量亦不多，烏冬就因為係讚歧既，口感有彈牙感覺，尚可，有啲餐廳會煮得過火引致太軟，分量一般，男仔食一個可能會唔夠飽肚，呢個整體三粒星。龍蝦湯西施泡飯呢個店員話主角係個肚，配料無太大特色同沖擊，就主要係一啲肉碎同飯焦，店員上菜時將飯焦全鬥進煲飯入面，有視覺沖擊，「炸」一聲，的而且確，個湯係感覺好有龍蝦味道，真材實料，但同西餐飲既龍蝦湯有分別，就係呢個湯不稠既，比較稀，可能因為中西式煮法分別，但缺點真係配料上十分單調，建議可以加啲海鮮例如魷魚、蝦、青口、蠔仔等，豐富個飯，整體三星半分。