叁嘗 (Closed)

星期日同朋友喺天后一帶遊逛，我哋行到邊食到邊，見「叁嘗Sheep and Pig」嘅門面幾靚就停低望下👀。同時，我亦留意到店內有好多人食緊，感覺有信心保證。我哋兩點半去到係要等位先入得，不過可能大家都係差唔多時間食晏，所以亦係一窩蜂咁離座🙈。店舖面積細細，一眼睇哂，裝修行簡約風，完全係一間小店。估唔到餐廳週末都有做午市套餐，價錢就屬中等水平啦。🍽午餐有七款選擇，涵蓋各個種類，定價由$88至$138不等。題外話，餐廳午市時段只賣午餐，主餐牌嘅食物要晚市先可以嗌。法式慢煮春雞配燒汁($128)，本身我仲以為春雞係拎去氣炸好細隻嗰啲🐔，但原來係一隻大雞髀同一大件雞胸，食落方便，兼且係大啖肉。可能用慢煮嘅方法整雞，所以肉質有少少鞋，但雞皮就出奇地脆。雞肉以外仲有薯菜，包括燒薯仔🥔同露筍，兩樣都幾好食。燒大啡菇黑松露意大利飯($128)，原隻大啡菇鋪面相當吸引🍄，而下低嘅意大利飯好好食，好香黑松露忌廉味。再者，意大利飯夠哂濕潤多汁，但又唔會變得好漏，平衡得非常好。飯入面除咗混入雜菇之外，仲加咗洋蔥粒，令口感帶點爽口，好正。呢碟飯絕對係色香味俱全😋。套餐跟湯或者沙律，我哋選擇每款各一。是日餐湯係南