小松鼠 (怡豐花園) (Closed)

今日放工後要到馬田村附近，搞掂後就順道於小松鼠買埋外賣返屋企。叫咗個松鼠2人套餐B：磨菇湯 - 淡淡地，不過都算幾多磨菇蓉小食 - 黑松露薯條, 雖然外賣攞返屋企已經有啲淋咗，不過都仲有啲脆主菜1 - 蟹肉蘆筍意大利飯, 夠香嘅，不過蟹肉及飯都略為過淡，反而蘆筍就有啲咸，整體OK。主菜2 - 辣肉腸薄餅, size睇落係有啲細，辣肉腸份量亦唔太多，不過芝士份量夠，而且餅底夠脆，好似餅乾咁，幾好味。另外加咗一份炸美式香辣雞翼 - 雞皮炸得夠脆，裏面雞肉就太過乾身。飲品 - 凍朱古力, 夠濃，唔會好稀。凍薄荷咖啡 - 咖啡味唔夠。整體食物的味道及品質都算OK。