小松鼠 (怡豐花園) (Closed)

垃圾食物，卡邦尼意粉如圖，無蛋汁無芝士調味！得一兩點菇同埋一兩點煙肉，少得超級可憐，名就話卡邦尼，實質係淨白汁意粉，難食到可以話係垃圾😡 服務態度極差環境就好似無冷氣咁，熱到死🙄不可一，不可再

今日係慶祝既日子興緻勃勃咁想食呢間餐廳於是叫左個外賣二人餐再追加個漢堡包二人餐真係堅嬲一見個包裝都聞到伏味餐湯：磨菇湯，溝水好稀好淡好難飲配兩塊不知所謂既包小食：辣味雞翼，嘩x! 係一隻雞翼切開兩邊，加一塊生菜thats it。唔係咁做生意呀嘛？二人餐要每人食半隻雞翼？主菜：意粉，啲蜆肉有沙既Pizza, 都冇咁好氣講落去成個餐份量極少，好介意比半隻雞翼呢件事顯出呢間餐廳極冇誠意仲好小家豪不猶豫列入黑名單😡

物美價廉，份量十分多，係平價抵食之選💟板燒雞胸肉💟黑豚豬肉香腸配意大利粉 💟生菜沙拉 💟手拉雞肉漢堡配薯條 💟所有套餐包括一杯熱飲漢堡包同個薯條係最好味道，每天經過都好多人，餐廳空間唔算大，坐得比較親密啲，但唔會覺得好逼迫既感覺既，下次想試下晚餐，見到餐牌都好吸引❤️

炸美式香辣雞翼雞翼係真係最無敵既野黎😈我淨係可以講 真係好好食可以甩左m記既雞翼 落黎食番個high tea# 午餐價錢：$44/4隻 $88/8隻#奶茶我好小飲奶茶☕️因為比錯左杯coffee latte我*圖2是coffe latte *同朋友換左黎飲真係好好飲好香好滑# 價錢：免費配 # 板燒雞胸及黑豚豬肉腸 可配飯/意粉/薯菜我簡左意粉 吾知咁大份😂最後食吾晒 晒左野🤫雖然吾多剩低好鐘意有菜食 成份食物味道吾會好濃推薦鐘意偏向清淡d既朋友 #

呢間小店我已經試過幾次，次次嚟食都會揀午餐時間，因為價錢比較平。👍🏽👍🏽但係有陣時都要排陣隊先入到去，如果嘗試就避免星期六日去喇～～今次同朋友叫咗兩個手打安格斯牛肉漢堡。🍔🍔呢款漢堡比較平價，但係牛肉好嫩滑同埋有牛味，同埋漢堡都算大個，外皮仲有少少脆👍🏽👍🏽好juicy~~跟餐嘅薯條外脆內軟，份量都算多，食完會好飽～～價錢實惠，份量足夠，一定會再幫襯👍🏽👍🏽💜💜💜

🎈松鼠二人套餐芝士薯條(+ $10)芝士薯條就一定要趁熱食，睇住啲芝士溶化緊🧀，恰到好處，唔鍾意食芝士嘅朋友都接受到😌。薯條用嘅芝士唔特別濃，係常見嘅口味😲。✦✦✦✦✦✦✦✦✦✦✦✦✦✦🎈蟹肉露荀Rissoto(+ $10)小編食落味道比較偏淡，可能落少咗鹽。 入面有蟹肉、蘆筍、煙肉、忌廉汁，啲飯念念地就夠哂😋。口感非常豐富，蟹肉新鮮味道突出🦀。✦✦✦✦✦✦✦✦✦✦✦✦✦✦🎈雙重芝士煎雞扒 呢款芝士比起薯條嗰一款濃烈好多，可能因為有雙重芝士😗。雞扒醃製出嚟嘅味道更強烈，肉質鬆軟。小編最怕急凍過嘅雞肉有雪味，呢一款冇。而且都幾大份，有埋黑松露薯蓉同沙律菜，好滿足☺。✦✦✦✦✦✦✦✦✦✦✦✦✦✦🎈手打安格斯牛肉漢堡 $58叫咗一款漢堡，手打牛肉，不過就比較薄身🍔。 入面有生菜、蕃茄、芝士、牛肉，味道較為普通，不過以呢個價錢，可以值得一試。食漢堡就係要一啖入口啖啖豐富，可惜唔夠Juicy。

今日放工後要到馬田村附近，搞掂後就順道於小松鼠買埋外賣返屋企。叫咗個松鼠2人套餐B：磨菇湯 - 淡淡地，不過都算幾多磨菇蓉小食 - 黑松露薯條, 雖然外賣攞返屋企已經有啲淋咗，不過都仲有啲脆主菜1 - 蟹肉蘆筍意大利飯, 夠香嘅，不過蟹肉及飯都略為過淡，反而蘆筍就有啲咸，整體OK。主菜2 - 辣肉腸薄餅, size睇落係有啲細，辣肉腸份量亦唔太多，不過芝士份量夠，而且餅底夠脆，好似餅乾咁，幾好味。另外加咗一份炸美式香辣雞翼 - 雞皮炸得夠脆，裏面雞肉就太過乾身。飲品 - 凍朱古力, 夠濃，唔會好稀。凍薄荷咖啡 - 咖啡味唔夠。整體食物的味道及品質都算OK。

記得以前中學最期待就係放飯日日都諗落堂食咩好😏不過中學食開嘅餐廳都執得7788🥹好彩仲有「小松鼠🐿️」比我重溫中學嘅味道😭-😋板燒雞胸及黑豚豬肉腸 配薯條/薯蓉/意粉 $58 （假日menu會貴啲）中學個時成日都嗌呢個餐🤣貪佢夠豐富🐓板燒雞胸有啲薄身份量唔多不過勝在雞肉嫩滑😗點埋個醬汁味道更佳🌭黑豚豬肉腸個人覺得有少少鹹🤏🏻 不過咬落夠juicy😝仲要係脆皮tim!🥔薯蓉香滑好夠牛油味🧈😙仲有幾粒冇打蓉曬嘅薯仔粒😂食落有啲口感🥗沙律菜份量多而且新鮮食落爽脆🤣淋左芝麻醬🤪感覺好fresh好健康😜好味指數：🌕🌕🌕🌕🌑-😋忌廉野菌煙三文魚意粉🍝 $58勁大塊煙三文魚！😍😍😍煙三文魚鹹鹹地帶點煙熏味🥰同忌廉意粉係絕配個汁都重忌廉味😌不過略嫌唔夠多🤏🏻令到意粉有啲乾身🥲好味指數：🌕🌕🌕🌗🌑-六十蚊午餐包飲品😗質素都唔錯😋性價比都算高😝我見佢仲出咗個二人餐😜下次試完再同大家分享💛-💸人均消費：$60

6點和女朋友到達店舖，堂食無咩人靜靜地又唔趕客慢慢食。但一直都有外賣APP之類黎拎外賣相信套餐每天都一樣，點了最平的$178湯不會很咸很適合清淡的我蒜蓉包有點薄，但提供的醬好味（微酸）點了西西里醬炸魚墨汁扁意粉，讚漢堡包大大個好飽肚而且有沙律有薯條所以建議前菜選擇辣雞亦因為唔知漢堡包有薯條包埋，小食就叫咗松露醬薯條，炸得好好，不過我就覺得咸咗少少叫咗兩杯熱朱古力，平平無奇份量唔算多Cp值高的餐廰

薯條，這兒的薯條和其他咖啡店的薯條不同，它的薯條非常之香脆，有點兒像之前在外國吃過炸兩次那種薯條，本身外皮已經脆，再翻炸過，薯條外皮比較厚身，非常香脆，亦都夠熱燙，非常可口。漢堡，因為我本身叫手打豚肉漢堡，不過店員之後拿來的時候就問轉為蝦堡可不可以，我還在心想會不會因為豚肉已經賣光，於是就說那麽我要雞，原來她只是自己落錯單，所以就問我要不要蝦堡，這樣好像有點兒強人所難。不過她幸運，由於我近期敏感問題沒有那麼嚴重，而且看起上來，它的蝦漢堡夠挺身，而且熱辣辣，聞來味道都算香，因此都不介意一試，因為平時都很少會聽到蝦肉漢堡。結果，其實就好像街市買那種蝦膠，只不過它比較大塊，而且用來做漢堡，都不錯的。飲品叫了杯咖啡，味道普通。不過這間小松鼠，在週末時分都人流不多，亦都不會很快就執碟，又或是好像其他咖啡店一般會指名用餐時段個半鐘然之後趕你走，我們每人吃了不用$100 ，但任你坐了兩三個小時，這是值得一讚之處。

一直想食小松鼠既全日早餐，可惜最近已經唔做早餐啦食左漢堡包，牛肉漢堡好香好多汁！！薯條即炸脆卜卜！不過餐廳位置比較少，我哋剛好入去坐到最後一枱。朋友食意粉就覺得咸左啲。

今次叫左二人餐Set A $178，兩個人Share食，份量都好足夠。♥️蒜蓉包小小蒜蓉味，配埋他他醬可以沾。♥️精選餐湯 - 蘑菇湯超級稀身，飲落得好輕微蘑菇味。♥️芝士薯條 +$10個人欣賞薯條夠鹽味，芝士味剛好，唔會好膩，但擺盤可以試下用另一個方式上碟，可以增加食慾。♥️香蒜辣椒蜆肉意粉辣味偏重，食完咀會有種麻麻地既感覺，辣味完全遮蓋左其他味道，蜆肉有沙，意粉質地偏硬。♥️澳洲和牛藍芝士漢堡 +$20 推介👍🏻和牛肉汁豐富，芝士味香濃。總括黎講一人廚房出餐速度都算ok，但食物質素有待提升。

今日要去圖書館搵資料，去之前就決定在附近先食lunch, 忽然想起有呢間餐廳，於是就去試一試！環境一般小店格局，但餐廳在炎熱環境下冷氣十分不足，冷氣應該開了，但像沒有一樣。食物服務ok嘅，但環境就略遜一籌！板燒雞胸黑豚肉豬肉腸：肉質不孩口，配沙律菜及薯蓉，中和了肉腸嘅油膩，不錯，沙律菜新鮮沒有變黃，薯蓉質感幼滑。忌廉野菌煙三文魚意粉：正常水準之作！煙三文魚不會霉。食物尚算可以，唯獨餐廳冷氣極度不足，一邊食一邊流汗，係呢個炎夏真的接受不到！

一間好出色嘅元朗西式餐廳 每次去都好多人排緊隊 但唔知係咪因爲太多人食嘅關係 啲嘢食質素有啲下降咗 價錢都好似加咗 冇以前CP值咁高TT 《香蒜辣椒蜆肉煙肉意粉》 依款意粉真係每次必叫 我個人都encore咗幾次 蜆肉同煙肉嘅份量每次都好足 不過今次食就有少少乾身得濟 辣味依然係到 但太乾 多返啲汁會好好多！ . 《西西里辣肉腸螺絲粉》 依款意粉好掛到汁 而佢個西西里蕃茄汁都好濃好香 食落酸酸甜甜都好唔錯啊！ 佢仲要配超大量嘅辣肉腸 啱曬我依啲食肉獸啊！ . 《吉列炸魚柳及黑豚豬肉腸》 不過不失啦 吉列炸魚柳都脆口 但份量有啲太少啦 黑豚豬肉腸都係不過不失 冇咩特別

💛 有一顆黃色的心 💛已經食過幾次小松鼠了 🐿️🍔 上一次試咗藍芝士和牛漢堡，芝士特别香濃，和牛都好高質。今次點了較平價的手打安格斯牛肉漢堡 ($78)，雖然用嘅芝士無嗰款咁優質，但都好好味！安格斯牛肉嫩滑有肉汁，牛味濃郁。跟餐薯條外脆內軟唔乾身，一食無停過口。🧋凍奶茶 (跟餐涷飲+$4) 稍遜色茶味唔夠濃，飲品選擇唔算多，希望將來有更多種類咖啡飲下 ☕️ 🍝意粉有多款選擇，配搭也很吸引，留待下次再試。