Video
Read full review
2009-01-27
42 views
為咗賀年，有一個好理由出街食，多得樓下食家們啲靚相，於是地點就揀咗荃灣呢間小店，仲預早book埋位。為咗碗酥皮湯，就叫咗個特餐，再加個晚餐添！特餐包括：頭盤-黑魚子煙三文魚、酥皮海鮮湯、鵝肝牛柳拼薯菜、甜品同飲品。晚餐包括：餐湯-雜菜湯、西冷牛扒拼意粉、飲品。煙三文魚太咸，唔特別！酥皮海鮮湯，雖然酥皮唔太脆，勝在啲湯夠熱辣辣同鮮甜，蜆仔肉亦爽口。雜菜湯相對地普通咗啲。最令人驚喜係幾片蒜蓉包，又香又脆，正！輪到主菜上場，鵝肝牛柳拼薯菜，鵝肝夠甘香，牛柳有肉味，夠腍夠鬆軟，係高質素o既牛柳是也，而薯、菜都好大份。西冷牛扒拼意粉，牛扒好大件，質地比較實淨，難得有牛肉味而唔臊。不過有少少肥…意粉同平時食開o既唔同，比較幼身，質地竟然似油麵…整體份量都好多，唔驚唔夠飽。甜品要咗木槺布甸，再加個心太軟(要預早十五分鐘叫)。木槺布甸出色，夠滑唔太甜。心太軟蛋糕唔夠熱，雪糕就好夠凍。一冷一熱一齊食，都想像得到幾好味！可惜，朱古力味唔夠！兩杯飲品都係叫咗咖啡，簡直係全晚敗筆！太濃太苦澀，只可以講唔係高質咖啡。招呼好，地方細，價錢平，食物有水準又夠份量，荃灣西餐好選擇。諗唔到唔俾笑笑口o既理由！p.s.
為咗碗酥皮湯，就叫咗個特餐，再加個晚餐添！
特餐包括：頭盤-黑魚子煙三文魚、酥皮海鮮湯、鵝肝牛柳拼薯菜、甜品同飲品。
晚餐包括：餐湯-雜菜湯、西冷牛扒拼意粉、飲品。
煙三文魚太咸，唔特別！
酥皮海鮮湯，雖然酥皮唔太脆，勝在啲湯夠熱辣辣同鮮甜，蜆仔肉亦爽口。
雜菜湯相對地普通咗啲。
最令人驚喜係幾片蒜蓉包，又香又脆，正！
輪到主菜上場，鵝肝牛柳拼薯菜，鵝肝夠甘香，牛柳有肉味，夠腍夠鬆軟，係高質素o既牛柳是也，而薯、菜都好大份。
西冷牛扒拼意粉，牛扒好大件，質地比較實淨，難得有牛肉味而唔臊。不過有少少肥…意粉同平時食開o既唔同，比較幼身，質地竟然似油麵…
整體份量都好多，唔驚唔夠飽。
甜品要咗木槺布甸，再加個心太軟(要預早十五分鐘叫)。
木槺布甸出色，夠滑唔太甜。
心太軟蛋糕唔夠熱，雪糕就好夠凍。一冷一熱一齊食，都想像得到幾好味！可惜，朱古力味唔夠！
兩杯飲品都係叫咗咖啡，簡直係全晚敗筆！太濃太苦澀，只可以講唔係高質咖啡。
招呼好，地方細，價錢平，食物有水準又夠份量，荃灣西餐好選擇。
諗唔到唔俾笑笑口o既理由！
p.s. 食滿$100蚊有一小時免費泊車，又多一個幫襯o既理由！
Post
