德國餐廳 (Moved) New Location

早幾日係大角嘴附近放工，想搵個地方同同事飲下酒傾下計，與其留係奧海城，我地決定去後街兜個圈搵下稍為經濟啲嘅餐廳，經過呢間徳國餐廳見環境清靜，又有徳國啤飲，就入去一試。剛過去的節日經常外出食飯，呢日我同同事決定食得清淡一點。先要了個Parma ham沙律，沙律份量相當大，沙律菜夠新鮮味道清新，Parma ham則咸鮮而不油膩。再叫了個時令菜色-白汁煮青口，白汁不會蓋過青口的鮮味，青口肉亦大大粒不會有沙，份量夠3-4人食，這款限定菜式確實不錯。來到德國餐廳當然少不了腸仔拼盤，我地叫了大的拼盤，足足有四五款不同的腸仔，我同同事最喜歡吃德國鹹酸菜，呢度嘅鹹酸菜鹹味酸味平均，味道不錯。最後我和同事雖然已經很飽，但是還是想吃點送酒小菜，我地叫了盤墨西哥粟米片，自製的蕃茄醬汁混和了啖啖蕃茄果蓉，係送酒必選。