頭啖湯

Open Now

Now Closed

前兩星期突然好想吃椰子雞煲，結果就同老公來到呢間幾出名嘅頭啖湯一試。當天沒有訂位，行入去就有位置坐。雖然長枱感覺上有啲迫，但我地坐卡位，可以接受。之後老闆出來介紹他們店的招牌椰子湯雞煲，佢話兩個人半隻雞就夠食喎，信佢啦！椰子雞湯有別於其他店的做法，沒有椰青水那種清甜的味道，反而是有椰漿的感覺，幾特別但有點太咸，應該是加入了太多調味粉的原因，雖然只有椰漿的味道，但完全沒有肉味，應該是沒有用新鮮雞的原固，有待改善。飲完湯吃完雞還沒有飽，點了幾碟火鍋配料。在等的過程中，我看到隔離枱牆上有隻（小強）路過😅幸好距離比較遠，爬不到過來。之後吃了一半我們就趕緊埋單，老闆仲叫我地唔洗急可以坐多陣，我地笑笑口就離開了。張單加埋一之後六百幾，雖然話生意難做，但呢種質素同份量來講不算抵食。全屬善意忠告，希望日後小店會改進🇭🇰