太平館餐廳

Open Now

Now Closed

星期日同朋友行過銅鑼灣，見到好耐冇食太平館就去排隊。排咗15分鐘就能入座，點咗有名的豬脾飯。賣相嘅嘢就見仁見智，但係啲白飯就啃唔落，因為大部份係生米。同一位一睇就知道老經驗嘅叔叔講，佢二話不說就收走。我唔知佢想毀屍滅跡定係點？轉頭返嚟同我講冇白飯咁轉炒飯俾你。我懷着感恩之心回應⋯哦原來你跟進緊，只不過你不善於表達。跟住佢也二話不說放低 咗一碟炒飯，今次仲正，原來生客有問題唔單止唔道歉，仲送多隻小強俾你做贈品。小強有腳爬落去我冇計，但佢哋有口卻不會道歉，仲要二話不說收走證物。難怪可以屹立不倒咁多年。