たまご園 (北角匯) (Closed)

話說見到商場出面有花展，帶埋小朋友黎睇，點知天氣太熱，搞到有啲中暑，拿拿臨入返商場降溫，順便食啲野休息下。呢間餐廳出名嘅就係蛋包飯，岩晒小朋友食，不過因為限聚令關係，一家四口要分開兩張檯坐。我地叫左兩個飯吉列豬扒蛋飯豬扒夠大份，而且好入味，蛋好滑，洋蔥都好香，兩個小朋友好快就食左一碗，估唔到咀刁嘅細仔連洋蔥都食埋燉牛肉蛋包飯呢個主要係俾我食，因為中暑咀都青埋，要食返啲牛肉補下血肉汁好濃，肉質都唔錯，可惜牛肉略嫌較少，配埋蛋包飯真係一絕。不過小朋友黎講啲汁就濃左少少。總括黎講呢間真係唔錯，如果有埋小朋友high chair就更好。下次再去北角匯我會再黎幫襯。