Video
Read full review
2024-04-10
52 views
2024年3月28日 星期四終於開始咗復活節假期，可以每一日都帶小朋友出去玩，今日就帶咗佢去觀塘嘅呢間餐廳，因為網上見到餐廳裏面有地方可以俾小朋友放電，而且大人又可以喺出邊慢慢食嘢一入到餐廳，小朋友已經急不及待衝咗入去遊樂嘅部份玩，地方都幾大，除咗有波波池之外，仲有瀡滑梯、煮飯仔既玩具，連買餸車仔都有添，所以小朋友既興奮又開心我哋大人就慢慢坐低睇吓餐牌有咩食，原來餐廳提供緊媽咪圍爐套餐，係兩小時放題形式，有齊肉類、蔬果、小食同飲品幾多選擇，而且仲有兒童餐添，所以好快就落咗單一落單之後店員就即刻為我哋送上前菜同新鮮生菜，冇諗過會有咁多碟前菜，而且大部份都好好食，其中醃蘿蔔酸酸甜甜咁，越食越開胃，魚糕就有少少辣，幾惹味呢一杯飲品係我哋加嘅花漾音符焦糖鮮奶特飲，賣相一流，啱晒用嚟打卡，飲落去充滿焦糖味，但唔會太甜，奶味都好香濃，上面仲有朱古力豆同音符形狀脆餅食添之後食物開始陸續送到，分別有特製LA骨、月見韓牛前胸肉、香烤梅花肉等等，全部都好新鮮，見到脂肪同肉嘅分布好平均，仲有韓式大蝦同南瓜添放左爐燒既時候受力好均勻，由於店員已經預先剪開咗梅花肉，所以燒嘅時候唔需要等太耐就已經燒得熟，咬落去有
終於開始咗復活節假期，可以每一日都帶小朋友出去玩，今日就帶咗佢去觀塘嘅呢間餐廳，因為網上見到餐廳裏面有地方可以俾小朋友放電，而且大人又可以喺出邊慢慢食嘢
一入到餐廳，小朋友已經急不及待衝咗入去遊樂嘅部份玩，地方都幾大，除咗有波波池之外，仲有瀡滑梯、煮飯仔既玩具，連買餸車仔都有添，所以小朋友既興奮又開心
我哋大人就慢慢坐低睇吓餐牌有咩食，原來餐廳提供緊媽咪圍爐套餐，係兩小時放題形式，有齊肉類、蔬果、小食同飲品幾多選擇，而且仲有兒童餐添，所以好快就落咗單
一落單之後店員就即刻為我哋送上前菜同新鮮生菜，冇諗過會有咁多碟前菜，而且大部份都好好食，其中醃蘿蔔酸酸甜甜咁，越食越開胃，魚糕就有少少辣，幾惹味
呢一杯飲品係我哋加嘅花漾音符焦糖鮮奶特飲，賣相一流，啱晒用嚟打卡，飲落去充滿焦糖味，但唔會太甜，奶味都好香濃，上面仲有朱古力豆同音符形狀脆餅食添
之後食物開始陸續送到，分別有特製LA骨、月見韓牛前胸肉、香烤梅花肉等等，全部都好新鮮，見到脂肪同肉嘅分布好平均，仲有韓式大蝦同南瓜添
放左爐燒既時候受力好均勻，由於店員已經預先剪開咗梅花肉，所以燒嘅時候唔需要等太耐就已經燒得熟，咬落去有肉汁，唔會太過韌，同新鮮蔬菜一齊食感覺會冇咁油膩
呢度分別有唔同嘅小食同水果，全部都可以燒或者直接食都得，最估唔到嘅係堅果燒完之後脆卜卜，用嚟送酒一流，紫薯餅啖啖都係紫薯蓉，甜甜地幾香口
小朋友嘅食物方面我哋點左韓國公主湯烏冬，嚟到嘅時候賣相好靚，條公主裙原來就係紅蘿蔔片，下面就係湯烏冬，烏冬幾有咬口同埋好滑溜
最後甜品分別有旋轉甜品饗宴同甜蜜朱古力火鍋，個盤下面有旋轉木馬同甜品一路轉，仲有燈光添，十分漂亮，每款甜品嘅味道都唔差，唔會太過甜，小朋友就最鍾意小熊造型嘅蛋糕，至於朱古力火鍋嘅朱古力同樣地唔會好甜，無論配雪糕或者麵包一齊食都好夾
冇諗到兩小時會過得咁快，無論大人或者小朋友都好盡興，期望下一次再有機會嚟可以試吓韓服體驗
Post
