Antidote

Open Now

Now Closed

這間小清新的韓國菜空間感十足，店員都是韓國人，但都識英文及廣東話的。餐牌選擇頗多，燒肉，醬油蟹，燉排骨湯，泡菜煎餅，釜飯等。落單後會送上前菜5 款，當中鵪鶉蛋及年糕則比較少有。燉排骨湯十分大份，約有六大塊脊骨，肉質軟腍入味又不會乾柴，脊骨位偏瘦，不會太膩，味道微辣惹味，配上大量芽菜，薯仔可以切細一點會更好。鮑魚八爪魚釜飯，釜飯上舖面鮑魚片，八爪魚粒，醃菜，蔥花，大量芝麻，賣相吸引，上枱已經聞到好香的芝麻油香，之後員工會幫忙撈勻，味道很有驚喜，仲有飯焦，好味。泡菜煎餅，外層酥脆，內餡豐富，味道酸酸辣辣。飲品選擇十分多，多人的話可以點選real yuju organe makgeolli 開心share, 係加入了很多新鮮橙肉的米酒，好易入口的，酒的濃度都不會太高。如果唔好酒的朋友，亦可以選擇其他特飲。