圓老爺雞煲小廚 (Closed)

平日食得西餐日本菜多都會想食下廣東菜小炒 朋友介紹大陂頭附近有間小炒晚市都唔錯我同老公咩都想食就叫咗五個餸 先黎個金磚百味豆腐 堆至密密麻麻 正方形金黃色好吸睛 豆腐炸至外脆內軟 內層滑溜 口感似流心 點上喼汁 有畫龍點睛之效魚香茄子煲 老公指定菜式 鹹魚香氣異穿整個煲 茄子結實之中帶軟 炆嘅火喉控制得好免治豬肉肥瘦參半更有咬口 難得無太油或太多醬想更有地痞風味 所以點個豉椒味菜炒肥腸 豆椒香味爆發 鹹酸菜味道香濃 加上三色椒洋蔥大腸外層爽腸 內層帶肥膏 整體而言夠獲氣青芥辣蝦球 脆卜卜蝦球澆上沙律醬 中和油膩感薄身炸粉 蝦肉爽彈 夾雜wasabi味刺激味蕾 最後金銀蛋莧菜係每次炒小菜必點 亦湯亦菜莧菜軟嫩帶少少回甘 菜汁係本菜靈魂 湯味鮮甜配上皮蛋鹹蛋以及金色蒜子 引出鹹香滋味食到飽一飽 飲埋天地壹號幫助消化去油脂眼見好多人都點雞煲 同老公約定下次天氣涼啲都一定要食