六和冰室

Open Now

Now Closed

同男朋友仔放工黎食下野，由於唔係太肚餓，所以淨係叫咗啲小炒。砂鍋雲吞雞煲$108做得好出色，鮮蝦雲吞彈牙有口感，而雲吞皮亦都好薄，吸收晒雞湯嘅精華，令到雲吞皮食落都有雞味。至於雞件，雞皮好滑，雞肉亦都嫩滑吾會老。墊底嘅仲有娃娃菜，一樣吸收晒雞湯嘅精華，好好食。一鍋就有菜有肉有雲吞😆豉椒炒蜆$98蜆肉大隻，炒得入味，份量亦都唔少，豉汁煮得好好味，亦有唔少青紅椒同洋蔥做配搭。椒鹽豆腐$68豆腐切成三角形比較大件，雖然個皮都好薄好脆，但豆腐並吾滑，所以口感吾太好，但調味係唔錯嘅除左小炒，呢到仲有雞煲、酸菜魚、烤魚、打邊爐，都好出名，有機會可以試下。