Video
Read full review
2017-08-05
168 views
佢哋嘅布丁燒小編一早就已經試過，所以今次嘅目標唔係布丁燒而係一樽樽嘅布丁。首當其衝就梗係嗰三個期間限定嘅布丁啦，只不過可惜有一個小編今次就冇緣試啦！因為佢哋咁啱今日冇整到嗰個蜜柑布丁，真係搞到小編喊到一地眼淚。原本當佢哋出白桃乳酪布丁嗰陣小編都仲忍得住手，但係一知道佢哋仲出埋玫瑰荔枝布丁同蜜柑布丁，真係已經忍唔住手要即刻九衝過去。1️⃣玫瑰荔枝布丁雖然佢呢個布丁價錢貴，但小編覺得依然貴得有道理。首先呢個布丁用料十分足，面頭有三大粒嘅荔枝喺度。雖然最頂層嘅啫喱冇玫瑰味，但就有微嘅荔枝味。啫喱同牛奶布丁配埋一齊真係好夾，而且食落十分透心涼，真係好消暑。小編個人真係好鍾意食。價格：HKD $382️⃣手工玫瑰草莓醬布丁小編認為寧願要淨牛奶布丁都好過要呢個。首先裏面嘅草莓醬極少，而且冇玫瑰味，仲要超級甜。完全蓋過晒牛奶布丁嘅味道。另外份量少但係價錢就已經拍得住其餘個兩個，倒不如慳返個$10好過。多個少少醬就貴左成$10，個性價比真係高到嚇親小編。價格：HKD $353️⃣白桃布丁佢呢一個面頭同樣都係有一層啫喱，不過小編就覺得好似唔係好凝固。雖然佢底層嗰個係乳酪布丁相對就比較特別少少，不過小編又覺得乳酪味唔
首當其衝就梗係嗰三個期間限定嘅布丁啦，只不過可惜有一個小編今次就冇緣試啦！因為佢哋咁啱今日冇整到嗰個蜜柑布丁，真係搞到小編喊到一地眼淚。
原本當佢哋出白桃乳酪布丁嗰陣小編都仲忍得住手，但係一知道佢哋仲出埋玫瑰荔枝布丁同蜜柑布丁，真係已經忍唔住手要即刻九衝過去。
40 views
0 likes
0 comments
1️⃣玫瑰荔枝布丁
雖然佢呢個布丁價錢貴，但小編覺得依然貴得有道理。首先呢個布丁用料十分足，面頭有三大粒嘅荔枝喺度。雖然最頂層嘅啫喱冇玫瑰味，但就有微嘅荔枝味。啫喱同牛奶布丁配埋一齊真係好夾，而且食落十分透心涼，真係好消暑。小編個人真係好鍾意食。
價格：HKD $38
2️⃣手工玫瑰草莓醬布丁
小編認為寧願要淨牛奶布丁都好過要呢個。首先裏面嘅草莓醬極少，而且冇玫瑰味，仲要超級甜。完全蓋過晒牛奶布丁嘅味道。另外份量少但係價錢就已經拍得住其餘個兩個，倒不如慳返個$10好過。多個少少醬就貴左成$10，個性價比真係高到嚇親小編。
價格：HKD $35
3️⃣白桃布丁
佢呢一個面頭同樣都係有一層啫喱，不過小編就覺得好似唔係好凝固。雖然佢底層嗰個係乳酪布丁相對就比較特別少少，不過小編又覺得乳酪味唔係太過重。整體來講味道的確係唔錯，但食完就冇好涼快嘅感覺。
價格：HKD $38
焙茶布丁
$28
27 views
0 likes
0 comments
佢尼個焙茶布丁果然冇令小編失望，食落焙茶味好香，而且亦都好滑溜。面頭更有一層牛奶布丁，令成個布丁變得冇咁單調。另外小編估計佢地應該冇落魚膠粉，因為小編成日都好似就溶就溶咁，實在係難能可貴。
另外小編問過店員，佢哋話布丁通常會係兩個鐘頭內賣晒，所以最穩陣嘅都係用電話預訂左先再去，今日定聽日就已經可以攞，真係好方便呀！
Post
